影片
更多
2022-04-06
137 瀏覽
好耐無去過旅行喇！之前喺社交平台見啲朋友去錦田當去咗旅行，我呢個元朗人住咁近反而無去過錦田玩。今日終於有機會去偽旅行，揀咗間裝修非常有特色嘅日式Cafe！我同朋友好彩都算早到，有得坐榻榻米特式位😁 係門面係見唔到架！就咁睇menu，食物以輕食、吐司為主。我地叫左Open Toast 和牛吐司（$124）、黑松露蟹肉沾醬配吐司（$108）、Dutch Baby Pancake - 檸檬蛋黃醬（$78）飲品就叫咗一杯Dirty（$48）同熱既馬嬲揻鐵觀音（$68）餐廳職員仲好貼心咁幫我哋將甜品pancake後上😉🦀黑松露蟹肉沾醬配吐司（$108）首先上菜係凍食既沾醬吐司本身就咁睇樣，差啲唔知係自己點既，仲傻傻地以為有餐包😂吐司係一口bite size，屬於硬身偏餅乾口感既麵包，反而係個Dip一食落口就知係黑松露蟹肉！沾醬有好香嘅黑松露味，仲有滿滿嘅蟹肉，食落口啖啖肉，食晒所有吐司後仲有醬淨，我地都用匙羹筆埋啲醬黎食，個醬比佢100分🐮Open Toast 和牛吐司（$124）吐司份量正常，個洋蔥汁配火箭菜好夾，亦襯到個和牛。和牛煮得相當好，中間既肉仲係粉紅色，重牛味。成個吐司好出色，都知自
好耐無去過旅行喇！之前喺社交平台見啲朋友去錦田當去咗旅行，我呢個元朗人住咁近反而無去過錦田玩。今日終於有機會去偽旅行，揀咗間裝修非常有特色嘅日式Cafe！
我同朋友好彩都算早到，有得坐榻榻米特式位😁 係門面係見唔到架！
就咁睇menu，食物以輕食、吐司為主。
我地叫左Open Toast 和牛吐司（$124）、黑松露蟹肉沾醬配吐司（$108）、Dutch Baby Pancake - 檸檬蛋黃醬（$78）
飲品就叫咗一杯Dirty（$48）同熱既馬嬲揻鐵觀音（$68）
餐廳職員仲好貼心咁幫我哋將甜品pancake後上😉
🦀黑松露蟹肉沾醬配吐司（$108）
首先上菜係凍食既沾醬吐司
本身就咁睇樣，差啲唔知係自己點既，仲傻傻地以為有餐包😂
吐司係一口bite size，屬於硬身偏餅乾口感既麵包，反而係個Dip一食落口就知係黑松露蟹肉！
沾醬有好香嘅黑松露味，仲有滿滿嘅蟹肉，食落口啖啖肉，食晒所有吐司後仲有醬淨，我地都用匙羹筆埋啲醬黎食，個醬比佢100分
🐮Open Toast 和牛吐司（$124）
吐司份量正常，個洋蔥汁配火箭菜好夾，亦襯到個和牛。
和牛煮得相當好，中間既肉仲係粉紅色，重牛味。成個吐司好出色，都知自己只係俾得百幾蚊，但如果有多幾塊牛就好喇🤪
和牛吐司
23 瀏覽
0 讚好
0 留言
🍋 Dutch Baby Pancake - 檸檬蛋黃醬（$78）
咁多款pancake，我哋覺得檸檬蛋黃醬係出邊比較難見，所以揀嚟一試。
職員幫我哋後上，係因為pancake係熱嘅，配上雪糕，如果一早上咗菜雪糕就會溶晒。
個甜品甜得來有少少酸味，好開胃。兩個女仔食左上面既吐司其實已有啲飽肚，如果甜品仲要係又甜又麵粉就有機會會食濟，反而佢酸酸甜甜咁樣，成為今餐一個好好既Ending👍🏻
檸檬蛋黃醬Baby pancake
42 瀏覽
0 讚好
0 留言
☕️Dirty（$48）
我朋友叫咗杯Dirty，佢係咖啡控，就略嫌奶多咗啲，唔夠佢提神。但我唔好咖啡，是飲咗一啖，反而鍾意佢奶味重。
🐒馬嬲揻鐵觀音（$68）
呢套茶具好有誠意。佢安排咗一壺熱水、一個裝有茶葉嘅茶壺、一杯用嚟裝茶嘅量杯同一個茶杯。
第一眼望落去，心諗使唔使咁多杯咁有儀式感呀？
飲落先明白個用心。
首先裝熱水個胡係比較保溫嘅，咁啲熱水先keep到係熱嘅。
而如果只有一個茶壺，啲茶就有機會浸泡太耐，變得太濃。而家多咗量杯，就可以將泡好嘅茶先倒落量杯，要飲就再倒落杯仔。
而如果用一個大啲嘅茶壺，一次過泡太多茶，啲水又會好快凍咗。
所以咁樣一套四件茶具配置係啱啱好。
而杯茶好清香，反覆沖泡幾次後都仲有味。絕對值返個價錢。
而餐廳有一個和式後院俾大家打卡用。我哋好彩早到先可以坐喺望到後院嘅榻榻米位置，坐喺嗰度食飯真係好似去咗外國旅行咁。
到我哋食完出去，已經見到餐廳full晒。如果又想打到卡、又想食好西，真係要早啲到啊！
張貼
