鐵花村 (愛群商業中心)

營業中

休息中

趕時間關係，去咗附近一間食台灣菜嘅餐廳。大阪燒蛋餅有木魚碎，内裡包住椰菜絲，但係唔算好熱，食落有啲減分。除咗個醬同木魚碎，其實唔係好明同大阪燒邊方面仲有關連😅蕃茄紅燒牛肉麵一上枱，熱辣辣加香味逼人，未食都先加分😜個湯底似羅宋湯，忍唔住邊食邊飲咗啲湯。牛肉煮得幾冧，仲有切返細件，唔似有啲餐廳會原舊大牛肉上，食得有啲狼狽😂哩間嘅細心度值得俾個like。另外仲有叫杯熱百香果紅茶，唔記咗叫走甜，不過佢原廠設定都唔係甜，所以幾啱唔嗜甜嘅人飲。