葡匯咪走雞葡國餐廳 (已結業)

尖沙咀美食，今次同老友發掘到嘅有呢間係美麗華二期嘅葡式餐廳--葡匯咪走雞葡國餐廳。美麗華二期雖然比一期隱蔽，但就是如此，恬靜感相當難得。12月，餐廳充滿著聖誕氣氛，仲有棵聖誕樹影相位。店鋪中間，仲有個世界地圖，想坐這兒tea一番，可惜已經被留座。葡式下午茶，朋友與我第一次食。餐牌有14款選擇，一目瞭然，每項都很吸引。兩個價錢，$68 或 $48 。選了葡式 Rampanada $48 和葡式小食拼盤 $68。小食拼盤6款2 ，揀了葡國臘腸和炸馬介休球( 另外4款是炸魷魚、蒜香雞球、芝士多士及酥炸四季豆)，跟杯hot tea 同iced coffee。葡式 Rampanada ，賣相非常可愛。蜜糖西多士，配上士多啤梨同藍莓，添上鮮豔色彩。西多士外層炸得脆口零油感、面上黏著砂糖，內裡軟綿，沒有乾爭爭的感覺之餘，總括可謂外脆內軟。間斷吃下水果，令味道更多元，增加鮮甜度。小食拼盤 葡國臘腸和炸馬介休球，濃濃煙燻臘腸味。肉味煙燻感重，咸咸的煙韌十足，葡式臘腸頗為特別。而炸馬介休球，十分酥脆，吃落有薯泥感，清清口味，對比十足，值得一試。係呢個舒適的環境下，歎埋杯凍啡熱茶，傾傾計聚聚舊，十分滿意。是