Cascara (已結業)

廟街咖啡店 Cascara 裝潢走簡約工業風，水泥灰嘅門面打卡一流~ 店舖面積唔算太大，但勝在樓底高，唔會太壓迫。咖啡店採光十足，坐係高枱位 望住人來人往嘅街道又幾chill。小店除精品咖啡外，亦有提供意粉、沙律、貝果、多士、芝士蛋糕等等。平日朝早8am-11am嚟到，仲有早餐添。主食加配任何飲品都可以減$15~▪️All day breakfast $108正常發揮嘅all day breakfast~ 有齊煎腸、煙肉、炒蛋、雜菌、多士、沙律、煎番茄。炒蛋望落相當吸引，質地滑嫩有蛋汁。多士烘得超脆，略嫌煙肉煎得唔夠香脆唔夠鹹。不過整道調味都偏清淡~▪️雜菌芝士奄列、沙律菜 $62係早餐先有嘅奄列！奄列唔會煎得過老，保留左蛋汁。眼見雜菌滿佈奄列，不過實在同蛋融合得太好，存在感意外地低，芝士味亦偏淡，同樣偏清淡~ (早餐不宜重口味?!)▪️焙茶半熟芝士蛋糕 $58係 @cascara.hk 與 @jac._official 合作製成嘅半熟芝士蛋糕。質地順滑，焙茶香氣滿溢，毫不苦澀。甜度恰到好處，食晒成件都唔會好甜膩。▪️Hot chocolate $48-$15好正常嘅朱古力奶，但勝甜度唔太高。