影片
更多
2019-02-20
1049 瀏覽
※本文以用餐當日的環境、服務和食物質素為準，口味亦因人而異，文章只作參考之用。前排去左食呢間新開無耐既阿里山台式火鍋，店員都頗友善，更安排我倆坐闊落的靠窗二人位，感覺不錯。餐牌有兩頁，火鍋湯底分別有桃膠美人鍋、酸菜白肉鍋、台式麻辣鍋、胡椒豬肚雞鍋及台式三杯雞，但記住只有前三款才能加$30轉為鴛鴦湯底。而且火鍋配料感覺上都新鮮的，大大加分。一坐下先來一小碟開胃菜蕎頭 $10，另外醬料同茶芥每位$20，不過近年多左好多湯頭非常夠味的火鍋店，醬料都用少左好多。本身諗住只叫桃膠美人鍋，男人太為食又想試埋酸菜白肉鍋，所以便加$30轉成鴛鴦鍋，一次過滿足晒兩人口味。桃膠美人鍋 $148 （鴛鴦鍋+$30）感覺好足料，裡面有成隻烏雞，藥材、杞子、淮山、黨蔘，仲有大量桃膠！據聞桃膠有滋陰養顏既作用，可媲美燕窩，所以近年多左中式糖水和飲品都加入左桃膠，感覺更為健康。湯底帶微微蔘和藥材的味道，有點似中式燉湯，不油膩且很易入口，還不錯！不過酸菜白肉鍋都唔錯（這鍋可追加多一碟白肉），配料除白肉外仲有蕃茄、大白菜和粉條等，湯底飲落酸酸咪咪非常醒胃，會讓人愈食愈開胃。先黎一碟小妹至愛既炸厚切午餐肉 $58，一般都
前排去左食呢間新開無耐既阿里山台式火鍋，店員都頗友善，更安排我倆坐闊落的靠窗二人位，感覺不錯。
餐牌有兩頁，火鍋湯底分別有桃膠美人鍋、酸菜白肉鍋、台式麻辣鍋、胡椒豬肚雞鍋及台式三杯雞，但記住只有前三款才能加$30轉為鴛鴦湯底。而且火鍋配料感覺上都新鮮的，大大加分。
一坐下先來一小碟開胃菜蕎頭 $10，另外醬料同茶芥每位$20，不過近年多左好多湯頭非常夠味的火鍋店，醬料都用少左好多。
本身諗住只叫桃膠美人鍋，男人太為食又想試埋酸菜白肉鍋，所以便加$30轉成鴛鴦鍋，一次過滿足晒兩人口味。
桃膠美人鍋 $148 （鴛鴦鍋+$30）
感覺好足料，裡面有成隻烏雞，藥材、杞子、淮山、黨蔘，仲有大量桃膠！據聞桃膠有滋陰養顏既作用，可媲美燕窩，所以近年多左中式糖水和飲品都加入左桃膠，感覺更為健康。湯底帶微微蔘和藥材的味道，有點似中式燉湯，不油膩且很易入口，還不錯！
不過酸菜白肉鍋都唔錯（這鍋可追加多一碟白肉），配料除白肉外仲有蕃茄、大白菜和粉條等，湯底飲落酸酸咪咪非常醒胃，會讓人愈食愈開胃。
先黎一碟小妹至愛既炸厚切午餐肉 $58，一般都只係將一罐餐肉切開一片片，而佢地係炸熟至上枱，所以一路傳黎好香，點忍口啊！都未開始打邊爐，已經成碟食晒，真係好誇張！
鹹蛋黃蝦丸
$48
9 瀏覽
0 讚好
0 留言
另外叫左比較特別既丸類，很好地可以每次叫半份，咁就可以試多幾款。鹹蛋黃蝦丸同芝士牛肉丸各半份 $48。比較特別既鹹蛋黃蝦丸，每粒入面大約有成1/3粒鹹蛋黃，丸類咬落爽口新鮮，質素唔錯；就係芝士牛丸既既芝士味唔算很重，淥耐左芝士都可能會溶晒，建議一齊便要撈上黎食了。
安格斯雪花肥牛 $198
雪花紋理均勻，份量不少，肉味比想像中突出，不錯。
凍豆腐
$48
22 瀏覽
0 讚好
0 留言
凍豆腐 $48
食台式火鍋必叫，豆腐吸晒湯汁後真係好好食!
飯後果竟然有台灣芭樂食，面頭仲灑上酸梅粉，解飽滯感一流！
張貼
