影片
更多
2018-04-28
242 瀏覽
星期六陽光普照, 氣溫不冷不熱, 一年裡最好的季節就是這個時候了, 咁好的天氣, 不去郊遊簡直就是對不住個天氣, 於是我們一家大細帶齊裝備, 去沙田踩單車.租了單車向大埔方向慢踩, 微風拂面, 天清氣朗, 人顯得格外精神! 踩了約兩個鐘頭單車, 大家都開始肚餓,我們都想搵個座得舒服的地方飲下嘢醫肚, 經過科學園, 大家提議去裡面的酒樓飲茶, 大家一致讚同, 於是來到間叫”喜慶”的酒樓, 酒樓環境清幽, 裝修得富麗堂煌, 我們可以好舒適的坐在這茶樓裡嘆下茶, 食下點心.落咗order後, 我們叫的點心陸續上枱, 特別要讚的是這裡的鮑汁鳳爪, 醬色的鳳爪連埋好多花生用個大碗裝住, 睇到都令人垂涎欲滴, 食一粒花生, D花生好入味, 但又唔會太咸, 又香又粉, 好食到停不了口, 而D鳳爪都已炆到林晒, 我鐘意吮骨, 慢慢食這入晒味的鳳爪, 感覺滿口都是骨膠原, 好林好多膠質, 超好味道!細佬仔們鐘意的蝦餃, 燒買都好上了枱, 燒買好大粒,啖啖肉. 蝦餃都是晶瑩剔透, D蝦餃皮薄到可以見到蝦餃裡而的汁及紅紅白白的鮮蝦肉, 小朋友們好鐘意食這兩款點心, 又好肉又鮮甜!都估唔到他的燒鵝都做得好出色
落咗order後, 我們叫的點心陸續上枱, 特別要讚的是這裡的鮑汁鳳爪, 醬色的鳳爪連埋好多花生用個大碗裝住, 睇到都令人垂涎欲滴, 食一粒花生, D花生好入味, 但又唔會太咸, 又香又粉, 好食到停不了口, 而D鳳爪都已炆到林晒, 我鐘意吮骨, 慢慢食這入晒味的鳳爪, 感覺滿口都是骨膠原, 好林好多膠質, 超好味道!細佬仔們鐘意的蝦餃, 燒買都好上了枱, 燒買好大粒,啖啖肉. 蝦餃都是晶瑩剔透, D蝦餃皮薄到可以見到蝦餃裡而的汁及紅紅白白的鮮蝦肉, 小朋友們好鐘意食這兩款點心, 又好肉又鮮甜!
都估唔到他的燒鵝都做得好出色, 我們叫了個例牌燒鵝, 點上酸梅醬, D燒鵝皮仲脆脆地, 一啖咬落去, 鵝皮裡面的油香即刻滿溢整個口腔, 有酸梅醬的中和, 一D都唔會覺得漏, 而鵝肉都是好厚肉, 啖啖肉得來D鵝肉好香, 又唔會好似鴨肉咁林, 一啲都唔遜色於專業燒鵝酒樓, 真係令人惊喜.
仲有其他點心, 有懷舊特色的咸水角, 有叉燒腸粉都相當唔錯, 小朋友們都食得開心, 坐又坐得舒服, 踩完單車的疲累在飲完茶後已恢復晒, 呢度飲茶認真唔錯!
張貼
