影片
更多
2017-08-07
213 瀏覽
最近賴生因為要做好準備，買定禮物準備見屈小姐既家長，所以不停搵有D咩野岩黎做初次見面禮物！係機緣巧合之下，賴生同屈小姐都諗起<<Luna Cake>>，又咁岩<<Luna Cake>>其中一間分店好近賴生工作既地方，所以可以放工之後過去望一望睇下有d乜野岩送比Uncle同Auntie既黎到形點商場2期3樓，行去運動舖同甘味對出既走廊就會見到Luna架日式木頭車嫁喇! 上面有晒佢有咩蛋糕同甜品賣，一目了然!!身為抹茶迷既賴生同屈小姐，係買野比Uncle同Auntie之前，我地都要親身試下味先，話晒第一次見，係絕對唔可以失禮同埋留低個壞形象既，同時順便獎勵下平日好比心機做野既屈小姐(後者是重點吧?!)，所以賴生買左1條茶之水既京都抹茶卷同屈小姐試食 店員仲好細心同貼心，教左賴生要點樣食呢個京都抹茶卷，原來要預先係室溫解凍1個鐘先食嫁!佢仲好好咁比左幾包乾冰賴生，怕賴生送到去屈小姐面前之前個蛋糕會融，服務真係真心冇得頂!買完之後，賴生就充當外賣仔送到屈小姐面前啦，而好耐好耐好耐冇食過抹茶甜品既屈小姐一見到賴生拎住盒Luna Ca
黎到形點商場2期3樓，行去運動舖同甘味對出既走廊就會見到Luna架日式木頭車嫁喇! 上面有晒佢有咩蛋糕同甜品賣，一目了然!!
身為抹茶迷既賴生同屈小姐，係買野比Uncle同Auntie之前，我地都要親身試下味先，話晒第一次見，係絕對唔可以失禮同埋留低個壞形象既，同時順便獎勵下平日好比心機做野既屈小姐(後者是重點吧?!)，所以賴生買左1條茶之水既京都抹茶卷同屈小姐試食 店員仲好細心同貼心，教左賴生要點樣食呢個京都抹茶卷，原來要預先係室溫解凍1個鐘先食嫁!佢仲好好咁比左幾包乾冰賴生，怕賴生送到去屈小姐面前之前個蛋糕會融，服務真係真心冇得頂!
買完之後，賴生就充當外賣仔送到屈小姐面前啦，而好耐好耐好耐冇食過抹茶甜品既屈小姐一見到賴生拎住盒Luna Cake既京都抹茶卷，即時Bling Bling眼咁小心地儲存好個蛋糕，跟住陪賴生食正餐先~~~! 係食正餐既時候，賴生提下屈小姐:『一陣有蛋糕食喎，記得唔好食咁飽要留位』，屈小姐就意氣風發咁答: 『一早留左位嫁喇!!』，然後用Bling Bling眼既熱切眼神望住盒京都抹茶卷!! 屈小姐仲專登拎左隻專用碟去Serve呢個蛋糕，可見得佢幾咁期待!!!(唔知屈小姐係咪想用熱烈既眼神幫條抹茶卷加速解凍呢??? ) 條抹茶卷用左個白色既紙盒包裝，有住日式簡潔既設計，令屈小姐同賴生好期待入面條抹茶卷!
當解凍夠一個鐘，屈小姐就急不及待話要食啦要食啦，佢就小心翼翼咁打開個盒，發現個盒係岩岩好頂住條抹茶卷，等佢唔好移位周圍撞，仲要加多層膠袋原條封住，好好保護住條蛋糕! 日本人呢份細心，真係由個設計同包裝就已經體現晒出黎!! 跟住屈小姐就拎定把刀準備，再小心翼翼咁打開個膠袋既一邊，而賴生就負責開另一邊.....! 賴生頓時面對住巨大既壓力，擔心開得唔小心會整到條蛋糕，好彩最後成功!!之後屈小姐就親自操刀啦....一條大概分到5-6件，下圖厚度係2件size)
茶之水 - 京都抹茶卷
$179
10 瀏覽
0 讚好
0 留言
1) 茶之水- 京都抹茶卷 : 4.5
呢條抹茶卷用左烤過既抹茶蛋糕包住鮮忌廉、抹茶忌廉同埋抹茶啫喱條，外形好靚好吸引呢! 於是屈小姐同賴生都第一時間叉黎食啦
抹茶蛋糕 : 偏甜，會遮蓋到抹茶既味道，但仍有一點抹茶回甘，口感鬆軟 (以一件雪過既蛋糕黎講算是不錯，當然唔可以同新鮮蛋糕既鬆軟比較啦)!! 而我地最欣賞既係蛋糕內層有輕輕烘過(啡色薄薄一層)，果一層味道更香更濃郁! 正! 為整件蛋糕添上多一份層次！
鮮忌廉: 夠晒滑! 味道適中，唔會過甜影響到抹茶忌廉!
抹茶忌廉:抹茶味超濃!!好幼滑! 成個抹茶卷既抹茶味就係由呢d抹茶忌廉發出嫁!! (賴生都係第一次見到屈小姐會追住d忌廉食)
抹茶啫喱:加添左動L動L既口感，本身就得小小回甘味!!
總結: 整體黎講個抹茶卷偏甜，不過蛋糕夠軟同滑，亦有抹茶既回甘味，假如蛋糕既部份冇咁甜同抹茶味再濃D，呢條蛋糕真係一流...! 不過索價$179一條...有點貴!!
p.s. 一個鐘係未完全解凍，中間既忌廉仲有冰粒，建議解凍1.5小時應該更好
#大滿足
#滿足妳個抹茶甜品胃
#滿足寵妳的願望
#就是喜歡寵妳
#食甜品既甜美笑容
#幸福就是有人寵
張貼
