SONIA COFFEE

營業中

休息中

每次去日本都會搵古舊的喫茶店，喜歡那個氣氛，慢慢地呷一杯咖啡，相當寫意。最近發現旺角有間來自日本京都的Sonia Coffee，亦是海外首間分店。咖啡店於1970年創立，裝潢用上昭和風，環境似足日本當地的喫茶店，係蛋糕櫃啲蛋糕擺得唔夠精緻。提供各式各樣的輕食，而自家焙咖啡豆的虹吸咖啡更是招牌，愛啡人士必試，叫熱咖啡仲可以自選靚杯，相當貼心！本來想食原味鬆餅，但賣哂，只好叫其他輕食。忌廉焦糖吉士布丁 蛋香滿滿，入口非精緻路線，不是超級幼滑，帶少許口感反而更深得得我心，焦糖不會太膩，配上忌廉更完美，是再食之選！昭和雪糕梳打 甘王草莓 喫茶店必備，有巨峰葡萄、白桃及甘王草莓三款口味，梳打加埋雪糕，清涼口感擊退暑氣。虹吸咖啡可選杯已經加分，濃濃的咖啡香留在口腔久久不散，配一口芝士蛋糕剛剛好。梳乎厘芝士蛋糕入口有香濃芝士味，好creamy綿密，雖然寫梳乎厘但不是走空氣感路線，味道都不會太甜膩。