Pho Metro (已結業)

去澳洲同加拿大玩，總會食餐越南菜，因為有名嘅大廚都鍾意移民去加澳各大城市，而移民後嘅大廚當然會開番間越南餐廳啦。喺加拿大多倫多已有多間分店嘅Pho Metro，就連香港銅鑼灣都開咗分店，一於捉埋M佬去試試來自加拿大嘅越南Pho啦。煎蝦餅煎嘅蝦餅同炸嘅相比，就係無咁油，但外層都係金黃色，內裡蝦肉仍帶有鮮味，仲好彈牙。順化牛肉札肉檬粉濃郁嘅牛骨湯味道，上台一刻就聞到啦！越南扎肉份量唔少，當然唔少得主打嘅牛肉啦，牛肉味香濃，仲幾有咬口。特別牛肉湯河食識越南Pho一定係食特別牛肉湯河！食Pho當然要配備芽菜、青檸、鵝芥同九層塔啦，想食得地道啲就加埋拉差香甜辣椒醬同甜醬，咁先稱得上係來自加拿大嘅越南Pho。生牛肉、腩片、牛百葉、牛丸呢四大天班就係特別牛肉湯河嘅關鍵，安格斯生牛肉滑嫩，牛丸同牛筋都好有彈牙，而腩片嘅牛味特別香濃，而河粉份量都唔少，好抵食。牛油果沙冰夏天飲牛油果沙冰夠解喝又夠健康，味道濃郁。