影片
更多
2020-05-21
281 瀏覽
餐廳位於茂林街，呢一條隱蔽嘅細街距離彌敦道只係數十步之遙，絶對旺中帶靜。胡椒烤餅，嗌完嘢食之後侍應就會即刻擺低一份胡椒烤餅，係每枱免費奉送嘅前菜，烤餅係薄脆嘅，口感類似薄版嘅 Nachos，味道偏鹹而胡椒味未算十分突出，但係連奉送嘅前菜都有兩個醬汁跟埋真係相當有誠意，深色嗰個醬帶微辣，喺類似菜脯嘅物體裏面竟然搵到一啲細嘅蓮藕片，都幾好食；綠色嗰個就係 classic 嘅薄荷醬，同烤餅最夾。Garlic naan 蒜蓉薄餅，薄餅口感煙靭，散發住攝人嘅蒜蓉味，烘烤嘅火候亦都控制得相當之好，一整塊都有微微嘅焦脆。Chicken Tikka 印式烤雞塊，Chicken Tikka 係源於南亞一帶嘅傳統菜 Tandoori Chicken 演變而嚟嘅，Tikka 呢個字指嘅係一塊一塊嘅意思，將雞肉去皮去骨切塊，先用印度香料醃一段時間，然後串起放入烤爐裡面烤，最後伴住生菜、生洋蔥同檸檬一起上枱，上枱嘅時候鐵板同雞塊發出激烈嘅咋咋聲，切開雞肉裏面係出奇地咁嫩滑，印度香料嘅味道入哂落啲雞肉入面，係正宗嘅印度風味。Chicken Vindaloo 鮮辣咖喱雞，喺點菜嘅時候個印度人侍應聽到我地本地人嗌呢一
餐廳位於茂林街，呢一條隱蔽嘅細街距離彌敦道只係數十步之遙，絶對旺中帶靜。
胡椒烤餅，嗌完嘢食之後侍應就會即刻擺低一份胡椒烤餅，係每枱免費奉送嘅前菜，烤餅係薄脆嘅，口感類似薄版嘅 Nachos，味道偏鹹而胡椒味未算十分突出，但係連奉送嘅前菜都有兩個醬汁跟埋真係相當有誠意，深色嗰個醬帶微辣，喺類似菜脯嘅物體裏面竟然搵到一啲細嘅蓮藕片，都幾好食；綠色嗰個就係 classic 嘅薄荷醬，同烤餅最夾。
Garlic naan 蒜蓉薄餅，薄餅口感煙靭，散發住攝人嘅蒜蓉味，烘烤嘅火候亦都控制得相當之好，一整塊都有微微嘅焦脆。
Chicken Tikka 印式烤雞塊，Chicken Tikka 係源於南亞一帶嘅傳統菜 Tandoori Chicken 演變而嚟嘅，Tikka 呢個字指嘅係一塊一塊嘅意思，將雞肉去皮去骨切塊，先用印度香料醃一段時間，然後串起放入烤爐裡面烤，最後伴住生菜、生洋蔥同檸檬一起上枱，上枱嘅時候鐵板同雞塊發出激烈嘅咋咋聲，切開雞肉裏面係出奇地咁嫩滑，印度香料嘅味道入哂落啲雞肉入面，係正宗嘅印度風味。
Chicken Vindaloo 鮮辣咖喱雞，喺點菜嘅時候個印度人侍應聽到我地本地人嗌呢一個辣雞當堂o哂嘴，然後同我地講呢個鮮辣咖喱雞係幾咁辣，由於同伴侶都好鐘意食辣(通常我食譚仔會嗌中辣)，所以就抖膽挑戰一下呢個辣雞，跳皮嘅印度侍應上菜嘅時候仲同時放低一句 good luck，佢呢一個舉動令我對呢個辣雞更加期待，即刻不起羮辣汁嚟個近鏡，發現個汁有大量磨碎咗嘅辣椒籽已經熱汗直冒，一啖入口，咖喱雞比烤雞嚟得更加嫩滑，辣椒籽嘅衝擊係慢慢滲出嚟嗰隻，我覺得個辣度係介乎譚仔個中辣同小辣之間，絶對辣得過癮。
張貼
