築間幸福鍋物

早排喺高雄食過已經覺得好高質，知道香港會開第一間築間就去試下。員工應該有部分黎自台灣，會用國語招呼客人，如果客人唔識國語佢地都會講翻廣東話，好犀利！服務一流，全程笑著幫你點餐，解答你問題，會不斷留意你需唔需要加湯，幫你收走檯面多餘嘅嘢等等，環境舒服，用餐環境優良。食物一如既往嘅好，推薦梅花豬，肥瘦分明，有雪花嘅感覺，小肥牛就不過不失，覺得豬比較驚艷，下次可以叫霜降牛，應該較多油脂。極甜軟絲似係魷魚，但唔係exactly魷魚，都好嫩換好快熟。醬料一定要調佢地嘅自家製白醋，酸酸甜甜配肉類超好味！配菜就一定要試芋頭貢丸，食到唔停口。午餐$88，湯底另外收費，再加一服務費，大概一人一鍋都差唔多價錢，湯底必食招牌石頭湯，有洋蔥、香菇、乾魷魚、蒜蓉炒香，配上粉絲好入味，輕輕地嘅台式風味，滿足的一餐。