世界の山ちゃん

營業中

休息中

餐廳食物當中有不少是名古屋的名物，除左有鎮店炸雞翼外，咖哩飯同烏冬等飽肚主食都有提供，算喺幾多選擇。店內充斥住餐廳老闆的卡通公仔，是雙手長成了雞翅的山哥，一睇就知道喺主打食雞翼的舖頭。每張枱上都附上說明書，圖文並茂地教授食客進食雞翼的正確方式。📍夢幻雞翼 $48/4隻雞翼比想像中細隻同埋瘦削唔多肉，不過調味就幾岩我呢啲重口味人士，因為佢嘅表面沾滿了胡椒同鹽巴，食落非常之惹味。雞翼嘅外皮亦炸得香脆可口，用嚟做佐酒小食確實不錯。📍名古屋咖哩烏冬鍋 $烏冬口感煙韌，不過咖哩湯底味道令人失望，味精味很重，餸料亦都唔多，質素平平。📍鐵板炒麵 $68炒麵嘅醬汁唔錯，食落幾開胃。不過麵中的豬肉片同其他配菜嘅份量就比較少，唔算太抵食。兩款主食嘅味道都好一般，只有炸雞翼比較有驚喜。餐廳裝修成日式居酒屋風格，周末都有唔少人前來飲啤酒傾計。