大澳德發 (已結業)

喺香港有個好美麗嘅地方叫做大澳，嗰度山明水秀，嘢食仲好好食添！！想食大澳特色菜而家唔使山長水遠特登坐船去咁遠，去炮台山都食到啦！！今日開飯地點叫做<大澳德發>，係一間主打大澳特色菜嘅茶餐廳，價錢亦相當親民〈金磚炸豆腐拼脆炸墨魚餅〉兩款都係熱辣辣，炸到脆卜卜嘅小食，見到都即刻食慾大增！！小豆腐粒外層炸成金黃色，活像一粒又粒小金磚咬開香脆嘅外層後，入邊就係嫩滑無比的豆腐，外脆內滑，豆味濃郁，味道仲非常惹味添！！脆炸墨魚餅夠飽滿又大大件，勁香脆呢！！〈西檸雞〉香煎的大雞塊和西檸汁分開上，唔會整到雞塊淋晒，非常貼心雞塊肉質好嫩滑，唔會話煎到過晒火，再加埋沾有芝麻嘅外層，又一香口菜式！！西檸汁酸酸甜甜，用嚟點一點香煎雞塊，油膩感立即全消~~~〈三弄脆皮鹹豬手（原隻德國豬手）〉侍應哥哥話依個係即點即整，喺鋪頭嘅招牌菜，當然要試吓啦！！豬手嘅外皮好香脆，口感唔死實。但係下層既肉質卻依然保留到香滑嘅口感，怪不得會係餐廳嘅招牌菜〈熱華田，熱檸蜜〉最後仲飲埋熱華田同熱檸蜜兩款咁具香港特色嘅餐飲，嘻嘻嘻