Cafe Paradise (砵蘭街) (已結業)

今日行到去太子想搵D野食，就行到黎Café Paradise，背住繁忙大街，為餐廳帶來多一份平靜。一行二人叫左兩樣野食，分別係基本上次次都會叫既All Breakfast、一份豬肋骨同埋一份黑松露薯條。先講下果份豬肋骨，好多西餐廳都會有得食豬肋骨，不過café paradise比我既感覺係呢入豬肋骨份外juicy。濃濃既燒烤醬汁蓋住燒得香脆既豬助骨，切開既時候重留有肉汁係入面，確實係處理得唔錯，而且份量算大，如果兩個人食既話都足夠。再講下黑松露醬薯條。餐廳比既黑松露醬真係好香，一擺上枱就聞到，炸到脆卜卜既薯條點埋個醬，好creamy同埋有種清新既感覺，絕對係小食既推介首選。Café paradise真係有好多選擇，下次除左試set lunch之外一定要再試其他唔同既菜式。