幸福四季椰子雞 (譽發廣場)

營業中

休息中

今日夜晚去咗油麻地幸福四季食椰子雞火鍋，椰子雞火鍋喺大陸就比較多，香港真係好少有，所以今次係特登黎試。叫咗馬蹄椰子雞鍋(半份雞)，佢哋依度啲雞係指定文昌雌雞，特別在D雞生長150日至168日，而且未生過蛋嘅。而鍋底係使用百分百純正椰青水，無添加任何調味料同埋水。開始個湯底之前我哋聽店長指示試咗幾啖個椰青水，真係好甘甜，之後就放雞落去，用漏斗計時五分鐘後，我哋先飲湯後食雞，個湯底今次有埋雞嘅鮮味更加可口，雞就十分之嫰滑，之後我哋再加埋配料嚟食又係另一種滋味。 前菜有手拍青瓜同埋川味小雲耳，兩樣都酸酸甜甜而且比較辣，特別開胃，而手工響玲就係自家製即叫即炸，放落湯底度幾秒鐘攞嚟食真係好正。 雜菜拼盤就有唔同嘅蔬菜同埋粟米喺入面，超新鮮。 最後上埋臘味煲仔飯，有臘肉、臘腸、同埋潤腸，呢個我覺得係必食之選，因為個飯焦 金黃色好香，而且入面有四碗飯，份量十足。