榮式燒雞扒專門店

營業中

休息中

坐低冇耐未叫野食，店員就遞上隨午餐附送嘅例湯。今日係蕃茄薯仔雜菜湯, 非常足料濃郁，飲落好似住家老火湯，似係冇味精，飲完直情想添飲😂午餐叫咗：雞藕天成飯：本身落單嘅時候已經叫咗少飯，但係我覺得我個飯同正常飯量係無分別。雞扒同藕餅嘅調味咸左啲，要配埋飯一齊食先得。雞扒嘅黑椒味好出,煎得算係乾身。藕餅入面有冬菇蓮藕同埋豬肉,但係炸得較耐，食落硬左少少。熱奶茶：奶茶味道頗澀口，請店員加番啲淡奶之後就好啲，不過成杯奶茶嘅茶香味不足。