Base 8 Cafe

營業中

休息中

放假同女朋友一齊食個tea, 見銅鑼灣有間新cafe就入去試下。叫咗一杯Iced black, 一杯黑糖latte, 一份牛油果蟹肉沙律卷，同埋一份炸薯條。杯黑糖latte係最ok嘅，其他嘢就真係有待改善。杯iced black 係偏淡嘅nutty味，after taste就有啲澀，可能係批豆比較差或者喺烘焙時唔夠乾身，導致有陣唔太舒服嘅澀味。牛油果蟹肉沙律卷，見佢上呢碟上得好快，似係一早整定放入雪櫃再拎出嚟serve. 首先個賣相係幾靚嘅，但係一放入口真係不得了，有陣喺街市雞檔嘅雞屎味喺啲蟹肉度傳出嚟，仲有少少雪櫃嘅噏味... 估計係啲蟹有少少唔新鮮，加埋個雪櫃冇清乾淨就放碟食物入去有關... 最後個炸薯條，有八成嘅薯條入面都係空心嘅... 所以我哋係食緊好幼嘅炸薯皮instead of 薯條... 可能我真係見識少，唔知道有地方嘅薯條係可以空心炸出嚟。Anyway，侍應服務態度好有禮貌，不過間cafe真係被啲食物質素拉低晒分數，希望之後有改善。