スーパー丼 (大埔超級城) (已結業)

呢間嘢啲侍應服務態度真係不知所謂！ 一開始唸住係櫃檯叫嘢食，個女侍應就以喝狗式口吻:”你外賣定堂食?堂食過對面坐!” 以為只係一個係咁，坐低後另外一位都係，叫完嘢食掹走我哋個餐牌，頭也不回，唔知以為我哋有啲咩得罪咗佢。 全程拎嘢嚟都黑口黑面，冇水洗臉咁。成間舖嘅所有侍應都好似唔想做，企起到勁hea, 好似想啲客最好快啲走。（唔怪之得入面得小貓三兩隻，應該係拜佢哋嘅態度所賜） 咁嘅服務態度真係十分出色，食咗背脊骨落，唔會再有下次。食飯食到好似要去受氣咁，請我都唔會再去。