影片
更多
2018-08-02
20 瀏覽
之前去大角咀交收，順道搵下有咩好食同大帝食下，見到金船長係開飯熱點就去訂位試下。當晚交收我同對方都早左少少到所以順帶早左到金船長，餐廳裝修帶海洋氣息，有船舵，魚網，假海洋生物等既裝飾品，環境較暗都幾有情調。侍應推介得獎菜式黑松露菌醬意式馬斯卡普芝士薄餅，真係幾好食，外面脆脆地好香芝士味，裡面夾左松露菌醬，除左淨食外仲有2種食法加點自家製提子汁，酸酸甜甜好清爽會減低芝士既膩，最後加埋伴碟沙律更加清新，3種食法都好食，我最鍾意第2種食法。仲叫左香煎鵝肝伴蘋果沙律，法式焗田螺，燒紐西蘭羊架，煎海鱸魚意大利飯，蟹肉素翅南瓜湯，心太軟同梳乎里加埋一杯黑牛同凍檸茶。鵝肝幾大塊，煎得香脆加埋醋汁同煮過既蘋果提子乾一齊食解膩，好味法式焗田螺好香熱辣辣，我地用包點埋d油同汁一齊食蟹肉素翅南瓜湯好香濃既南瓜味，又甜又香，大帝都追住飲。燒紐西蘭羊架肉嫩帶點羊羶味，好食，先覺得羊肉都係帶點羶味先好味煎海鱸魚意大利飯好濃既奶油味好香，但飯有d硬，可以軟番少少，鱸魚皮脆肉嫩滑唔錯。心太軟同梳乎里都幾好味，心太軟有流心，朱古力味唔會太甜梳乎里發得好高形都幾靚，主要俾大帝食，佢都好鍾意食。黑牛係我先生飲，佢話細細個已
當晚交收我同對方都早左少少到所以順帶早左到金船長，餐廳裝修帶海洋氣息，有船舵，魚網，假海洋生物等既裝飾品，環境較暗都幾有情調。
侍應推介得獎菜式黑松露菌醬意式馬斯卡普芝士薄餅，真係幾好食，外面脆脆地好香芝士味，裡面夾左松露菌醬，除左淨食外仲有2種食法加點自家製提子汁，酸酸甜甜好清爽會減低芝士既膩，最後加埋伴碟沙律更加清新，3種食法都好食，我最鍾意第2種食法。
仲叫左香煎鵝肝伴蘋果沙律，法式焗田螺，燒紐西蘭羊架，煎海鱸魚意大利飯，蟹肉素翅南瓜湯，心太軟同梳乎里加埋一杯黑牛同凍檸茶。
鵝肝幾大塊，煎得香脆加埋醋汁同煮過既蘋果提子乾一齊食解膩，好味
法式焗田螺好香熱辣辣，我地用包點埋d油同汁一齊食
蟹肉素翅南瓜湯好香濃既南瓜味，又甜又香，大帝都追住飲。
燒紐西蘭羊架肉嫩帶點羊羶味，好食，先覺得羊肉都係帶點羶味先好味
煎海鱸魚意大利飯好濃既奶油味好香，但飯有d硬，可以軟番少少，鱸魚皮脆肉嫩滑唔錯。
心太軟同梳乎里都幾好味，心太軟有流心，朱古力味唔會太甜梳乎里發得好高形都幾靚，主要俾大帝食，佢都好鍾意食。
黑牛係我先生飲，佢話細細個已經成日飲，係佢既童年回憶
我飲凍檸茶，甜度茶味都好好，唔會好似平時飲到既咁苦澀。
侍應好好人亦好話頭醒尾，見到大帝整跌左匙羹，我地未出聲已經攞隻新既來，同我地講解點食個松露芝士薄餅又好有耐性，埋單時都有問菜式點，好少有咁有禮貌既侍應。
張貼
