影片
更多
2018-03-07
247 瀏覽
過完年無幾耐，仲未拾回開工既節奏，日日都開工等收工，下午lunch後就上網hea下。除左上連登，通常都上黎openrice睇下今晚食咩好。去到優惠頁，就見到live house做緊豬手優惠，$68真係好抵食。同時又見到佢地最近都有好多差評，印象中幾年前幫襯過係不錯的，唔通餐廳都敵不過年月的洗禮? 我就係唔信邪，一於食左先算。今晚既主角當然係食豬手，說真的，性價比簡直無得輸，首先唔好講佢值唔值原價，我覺得個豬手係好食到不得了，仲要份量係一整隻，兩個人食真係會飽飽，好彩我地只係叫多一份沙律同埋意粉，如果唔係都驚食唔晒要打包。另一主角係佢地既飲品，佢地做緊一個cocktail任飲，我計過如果4個人飲到4杯以上就一定有著數。但留意係cocktail酒精度通常都較高，飲兩三杯都已經有醉意。我飲左第二杯之後，心情放鬆晒，聽live band時特別的醉人。今晚的live house唔太旺場，但大部份都係大班人6－8人，慶祝生日。佢地上甜品時會加支煙花，都真係幾開心！整體來說，服務同食物飲品都有80分以上，唔明點解有咁多差評，睇返d比差評的帳號，全部都係第一篇食評，仲要冇相，我諗都係打手多，間野可能得
今晚既主角當然係食豬手，說真的，性價比簡直無得輸，首先唔好講佢值唔值原價，我覺得個豬手係好食到不得了，仲要份量係一整隻，兩個人食真係會飽飽，好彩我地只係叫多一份沙律同埋意粉，如果唔係都驚食唔晒要打包。
另一主角係佢地既飲品，佢地做緊一個cocktail任飲，我計過如果4個人飲到4杯以上就一定有著數。但留意係cocktail酒精度通常都較高，飲兩三杯都已經有醉意。我飲左第二杯之後，心情放鬆晒，聽live band時特別的醉人。
今晚的live house唔太旺場，但大部份都係大班人6－8人，慶祝生日。佢地上甜品時會加支煙花，都真係幾開心！
整體來說，服務同食物飲品都有80分以上，唔明點解有咁多差評，睇返d比差評的帳號，全部都係第一篇食評，仲要冇相，我諗都係打手多，間野可能得罪左人。
題外話/補充資料：
服務我們的是一個廿歲出頭的妹妹，佢都有心機咁介紹飲品比我地，埋單時仲比左張印花卡我儲印仔，儲夠可以當中250蛟洗，我會黎多d儲夠佢架喇！
(以上食評乃用戶個人意見 , 並不代表OpenRice之觀點。)
張貼