Applegreen (已結業)

難得一日入到元朗，諗住同屋企人搵間舒服d嘅餐廳，開開心心去食餐飯，點知就係被一位太有個人態度嘅侍應小姐破壞晒我哋嘅心情因為一早就決定咗去呢間餐廳食飯，所以就直接行入去啦。點知侍應小姐好似唔係好歡迎我哋咁，黑晒面口🌚🌚佢嘅面口係，由我哋入門口，到點餐，再到佢送餐到我哋嘅枱面，甚至乎我地走喇，佢都係全程黑面🌚🌚到底我地係咪得罪咗佢？燉飯上到枱面，我哋只不過係問咗一句，呢一碟咩嚟架(因為飯嘅外貌同我哋嘅期望稍有唔同，所以我哋就問佢呢碟係咩飯) 點知得到嘅回應係: 呢碟咪係你嘅焗飯囉！除左侍應小姐態度不好，食物嘅水準亦都唔喺我預期之內二人餐嘅小食，蜂蜜柚子脆雞翼，一啲都唔脆; 芝士燒烤醬脆薯格，肉眼的確係見到芝士，但事實上食唔到芝士味。餐湯亦唔夠熱Main course : 夏威夷燒肉眼牛扒， 牛扒煮過龍，太乾啦，而且肉眼薄身，變相好似食緊肉乾咁; 呢碟餸最可取之處係伴碟嘅燒菠蘿，夠甜又多汁。牛油本菇燒雞： d本菇係凍嘅，好彩燒雞嘅雞肉夠滑。另外有一樣都係覺得有啲不足，就係呢個二人餐無甜品，唔能夠談得上係一個完美嘅set dinner煙肉忌廉意大利燉飯: 一個人實在食唔得曬一碟，食半碟已經會覺