影片
更多
2023-02-13
79 瀏覽
！極受氣用餐體驗！星期日晚（2月12日）難得同朋友去食餐晚飯，見到有新餐廳就試下，鋪面光猛都幾吸引，沒有太多人，可能是因為６點左右太早。一入到去，侍應帶位，到落單都很順利。過咗一陣，飲品就到，由於朋友點的凍茶與我的同款，佢要少甜少冰，但侍應放底兩杯一模一樣嘅茶後，就一枝箭咁走咗，又無示意那一杯才是少甜少冰，就諗住再問一問侍應，點知所有侍應都好似睇唔到D客咁， 無人應．．．．．過了一陣，終於叫到一位女侍應，打算詢問一下：請問哪一杯是少甜少冰？佢嘅反應是很不滿，望一望兩杯飲品，用佢長而尖的gel甲求其 ”篤篤兩下” 其中一杯，示意是那杯，我地好奇佢點分兩杯一樣嘅茶之際，因為入面連糖水都見唔到…. 個女侍應隨之態度很差、帶惡同我地講：「跟住呢？」果一刻，我們呆咗一下，沒想佢嘅態度可以咁差！唔好講係服務態度，係基本對人嘅禮貌都無！至於那兩杯茶，當然都係一樣甜，一樣咁多粒冰。儘管啲漢堡包無咩話好唔好食，正正常常。但原本我同朋友想愉快食餐飯，因為被迫受了那個女侍應的不禮貌對待，實在完完全全被破壞了心情！坦白講，我寧願去McDonald's食包都不會再去呢度，起碼唔駛受氣！（已經完全無心機再影食物相
星期日晚（2月12日）難得同朋友去食餐晚飯，見到有新餐廳就試下，鋪面光猛都幾吸引，沒有太多人，可能是因為６點左右太早。
一入到去，侍應帶位，到落單都很順利。過咗一陣，飲品就到，由於朋友點的凍茶與我的同款，佢要少甜少冰，但侍應放底兩杯一模一樣嘅茶後，就一枝箭咁走咗，又無示意那一杯才是少甜少冰，就諗住再問一問侍應，點知所有侍應都好似睇唔到D客咁， 無人應．．．．．
過了一陣，終於叫到一位女侍應，打算詢問一下：請問哪一杯是少甜少冰？佢嘅反應是很不滿，望一望兩杯飲品，用佢長而尖的gel甲求其 ”篤篤兩下” 其中一杯，示意是那杯，我地好奇佢點分兩杯一樣嘅茶之際，因為入面連糖水都見唔到…. 個女侍應隨之態度很差、帶惡同我地講：「跟住呢？」果一刻，我們呆咗一下，沒想佢嘅態度可以咁差！唔好講係服務態度，係基本對人嘅禮貌都無！
至於那兩杯茶，當然都係一樣甜，一樣咁多粒冰。
儘管啲漢堡包無咩話好唔好食，正正常常。但原本我同朋友想愉快食餐飯，因為被迫受了那個女侍應的不禮貌對待，實在完完全全被破壞了心情！
坦白講，我寧願去McDonald's食包都不會再去呢度，起碼唔駛受氣！
（已經完全無心機再影食物相）
張貼