Cabin Crew Coffee by Holly Brown (已結業)

今日同朋友慶祝生日，見到呢間幾打卡able，於是決定一試。當時係13:00，已經有3款甜品冇（侍應聲稱賣曬）。叫嘢食嘅時候，我同朋友各叫一款意粉+嘢飲，點知又被告知冇曬三文魚。我問有冇得轉其他餸配長通粉，個侍應剩係識講：「sold out囉，即係賣曬，三文魚冇架啦，sold out架啦。（態度好差哋講）」我緊係知sold out咩意思啦…同佢完全溝通唔到。唯有轉第二款… （意粉份量極少，女仔食唔夠飽）落單後隔左一陣，店員又行埋黎講芝麻latte唔夠整一杯嘅份量，叫我轉其他…我想問星期日中午時分，點解一間餐廳可以乜嘢都冇？唔使備定貨架咩？到最後食甜品，我同朋友真係未試過食到咁難食嘅甜品。個雪糕係又酸又鹹又甜咁，完全唔好食。最後食左幾啖就算，真係唔想再擺入口。第一次比差評一間餐廳，食物唔好食，我可以當係唔啱我口味。但加埋服務態度惡劣，真心唔會再有下次。大伏！自問態度正常，都有唔該侍應前 唔該侍應後，唔明點解啲侍應可以態度咁差。唔知踩親佢邊條尾。總之想貼錢買難受就去呢間度食啦，否則真係唔好去食。（以上嘅侍應只係針對一個中年女侍應，其他侍應好正常）