居食屋「和民」 (已搬遷) 新店位置

有日平日六點幾去荃灣店等位，本來希望舒舒服服咁同我個friend食餐，我們入坐時間係6:20。我地一共點左5、6樣野，其中一個仲係火鍋（會連爐上），由於我地坐緊一張兩人檯，眼見唔係好夠位放，咪要求換張4人檯囉（因眼見鄰座都係2人坐4位檯而仲有好多空檯），點知個侍應一口拒絕話會放得晒。由於佢唔肯幫我地換位，我同個friend只有好迫同一肚氣咁食...只係用左少於半個鐘就食完離開，最激氣係走時(6:50)仲見到有空檯！臨走前我填左張意見紙，我留低左email，不過我諗唔會有人覆我say sorry囉！香港大多數既餐廳所謂顧客意見收集，咪又係為左做樣！我發誓唔會再去呢間分店，原本我覺得和民既service同食物水準都唔錯，可能分店開得太多太快，管理做唔到咁足，我寧願幫趁返魚一丁，起碼質素有保證先啦！