影片
更多
2015-08-28
218 瀏覽
呢間嘢真係差到我忍唔住要為佢打一篇負評等啲人唔好去幫襯佢唔好中伏！本身一向食開附近個間(唔想開名廢事比人話係打手)，但因為尋晚一共有8個人而嗰邊又唔知幾耐所以就諗住食住天后串燒先，點知一肚氣！我都明白間鋪唔大而我地人都比較多所以諗住坐裡將啲二人枱泊埋一齊，點知個呀婆侍應好堅持唔得要我地坐門口張6人枱但其實根本唔夠8個人坐(我地有男仔)。佢叫我地迫啲坐如果唔係就分枱，堅持佢啲二人枱唔泊得埋一齊。搞咗輪終於屈服坐門口張6人枱之濟佢就高調地同近門的4人枱嗰3個客講話「麻煩你地去後面張4人枱吖，佢地有8個人係要一齊坐要用你地一張枱」佢真係比哂說話我地聽，已經唔gur不過肚餓就諗住算啦但我地決定唔叫咁多因為佢態度實在太差，完全唔想益佢。係咁易叫咗大概幾串嘢食同一個魚蛋撈麵(勁難食又貴！7仔比佢平比佢好食😡) 呢個時候個呀婆侍應就發難！佢西口西面埋嚟同我地講「你地下次唔再嚟食啦，搞咁耐人又多但食得又少仲趕走哂我啲客」(插曲1: 前面有枱大陸客因為等太耐一怒之下走，之後個呀婆侍應發難話落咗單煮緊唔可以唔埋單！由於佢態度語氣面口都好難，個男人係燥哂底話你依家比到我咪比錢囉！呀婆侍應堅持之後個男仔燥住話
呢間嘢真係差到我忍唔住要為佢打一篇負評等啲人唔好去幫襯佢唔好中伏！
本身一向食開附近個間(唔想開名廢事比人話係打手)，但因為尋晚一共有8個人而嗰邊又唔知幾耐所以就諗住食住天后串燒先，點知一肚氣！
我都明白間鋪唔大而我地人都比較多所以諗住坐裡將啲二人枱泊埋一齊，點知個呀婆侍應好堅持唔得要我地坐門口張6人枱但其實根本唔夠8個人坐(我地有男仔)。佢叫我地迫啲坐如果唔係就分枱，堅持佢啲二人枱唔泊得埋一齊。搞咗輪終於屈服坐門口張6人枱之濟佢就高調地同近門的4人枱嗰3個客講話「麻煩你地去後面張4人枱吖，佢地有8個人係要一齊坐要用你地一張枱」佢真係比哂說話我地聽，已經唔gur不過肚餓就諗住算啦但我地決定唔叫咁多因為佢態度實在太差，完全唔想益佢。係咁易叫咗大概幾串嘢食同一個魚蛋撈麵(勁難食又貴！7仔比佢平比佢好食😡)
呢個時候個呀婆侍應就發難！佢西口西面埋嚟同我地講「你地下次唔再嚟食啦，搞咁耐人又多但食得又少仲趕走哂我啲客」(插曲1: 前面有枱大陸客因為等太耐一怒之下走，之後個呀婆侍應發難話落咗單煮緊唔可以唔埋單！由於佢態度語氣面口都好難，個男人係燥哂底話你依家比到我咪比錢囉！呀婆侍應堅持之後個男仔燥住話得！咁你依家比我我外賣！ 插曲2:另一枱客*讓坐比我地的門口3個人*都因為食物太耐唔上而cancel未上到枱的食物！) 呀婆侍應仲發爛話無碗呀洗唔切，但串燒撈麵上枱後筷子都唔比對！係另一個後生男侍應好啲筷子比我地。
我真係未試過食個咁受氣！啲嘢食又貴又唔值仲要加一受氣！大佬我明白做生意當然係賺錢但真係唔係咁囉！啲員工態度面口語氣差到呢！所以真係要為佢打一篇食評話比大家知有幾惡劣！真係嬲到食麥記都唔食你😡😡😡
張貼