吉豚屋吉列豬扒專門店 (已結業)

呢間之前黎過食下午茶，感覺唔錯，又唔太貴，都幾好味，呢日星六晚黎再食，一入就有位，唔駛等，gd ! 樣樣都好吸引，決定同男友各叫唔同類既野 share食。點知野食送上既時候就出事，侍應將個盤放低果陣，成碗湯浪瀉左落我對腳度，雖然佢當下都好緊張問有無事 , 有講唔好意思，但熱湯倒落黎都會辣親同痛啦，唔知叫好采定唔好采，呢日我咁岩著短裙，就濺濕左少少，d湯岩岩浪瀉落我大脾内側，如果著長褲就仲大獲，全濕，因為我隻腳係濕曬既。另外係佢整濕左客人，雖然枱面係有紙巾供應，但都應該再俾d紙巾抹下，或者做返d 事後野啦，而且瀉到個地都濕曬，又無用地拖抹乾返。講返野食，豚肉略嫌少左d, 堆到成座山，但入面全部係芽菜黎，真正豚肉得幾塊，個蛋係神來之筆，烏冬夠彈牙，加埋好無敵，識食既一定係烏冬浸生蛋咁食。另外吉列三寶不過不失，配菜唔太新鮮，有d苦澀。