品越越式料理 (士丹利街) (已結業)

自認好幸運, 因為LUNCH時間比較彈性, 唔使係CBD最旺的放飯時間, 被處處人龍淹没。正因為咁, 每次係中環附近, 都諗起品越。講起品越, 唔經唔覺, 都差唔多識勻哂佢咁都間分店。水準真係唔錯, 早已成為我食越南野既首選。今日又來中環, 12點過少少, 上到去一個人好容易就有位。都幾餓, 所以叫左咖喱牛腩飯。牛腩香噴噴、軟身之餘其實口感亦仲保存到。最鍾意偶然一兩塊牛筋, 炆得岩岩好, 仲粘喉! 正!食得出, 呢度白飯用既米, 比起出邊一般餐廳應該好D, 粒粒飽滿挺身。雖然不時都對港式茶餐廳懷念而去幫襯, 但如果日日午餐都去, 個種環境又的確唔係我所能接受。所以自從第一次幫襯呢間, 就愛上左。原因好簡單: 環境舒適, 食物質素好, 收費合理。食食下, 有個西班牙型男搭枱, 閒談間知道佢亦係呢間舖既長期捧場客。講講下, 提起歐國盃西班牙被意大利復仇成功, 大家竟有種同仇敵慨的感覺! La'taste, I'll be back!