佳佳甜品

營業中

休息中

自己一直以來都係佳佳甜品嘅忠實擁躉，由舊鋪16蚊食到新鋪二字頭，每一次經過都會去食返個芝麻糊或者芋蓉西米露，就算落雨都會排隊，就算飽到食唔落都會買個外賣返屋企再慢慢啖。但係老公今次買咗個外賣，真的十分十分十分的失望。老公一入門口交我手，我呆左「哈？個外賣兜變甘細啦」係，佢細到同水杯甘大。算啦，物價上升，縮下小都係營商手段。一打開個杏仁糊，喂，唔系啊嘛，七成滿。好，我又當阿姐失手筆少左，開埋個芝麻糊，過份左囉，都係七成滿，即刻問而家幾錢碗，呢度兩碗$48，我明佢唔算好貴，但你滿心歡喜打開得七成滿真係好嬲架嘛。不如你再訂細D個兜，裝滿D環保D啦。下次自己去食，唔再買外賣。