影片
更多
2017-09-14
5204 瀏覽
年頭生日嘅時候安排左黎chef stage食晚飯，當日嗰餐我同男朋友都好滿意，事隔左好幾個月我地再黎呢度，食物嘅質素整體依然有水準，果然不讓人失望。平日晚上客人都不少，餐廳位於19樓，其實預先訂枱，能夠坐到窗邊位置，景色都確實不錯，不過我地決定得比較遲，只能坐近門口位置。可能想營造浪漫啲嘅氣氛，所以餐廳燈光稍暗，影出黎嘅相就真係一般。不過駐場有人唱歌，都幾有氣氛，而且仲會唱生日歌，見在場有幾對情侶應該係慶祝生日，都幾開心。餐牌選擇不少，定價同一般西餐廳無異，有海鮮拼盤、沙律、頭盤、湯；主菜有海鮮、扒類、焗飯、意粉、精選小食等。冬蔭西班牙煙豬腩沙律 $138我地仲記得上次黎係食吞拿魚腩沙律，依然有深刻印象，因為真係好好食，今次我地試左另一款沙律。其實做法都好相似，煙豬腩切成條狀，份量都幾多，輕輕燒過，食落唔油唔膩，好香口，因為煙過，唔可以叫做嫩腍，但一啲都唔老唔鞋。沙律菜就普通貨色，但裡面仲有唔少芒果肉，好香甜，成個配搭好清新。當然唔少得有啲爆珠 (平時飲台式飲品會加嗰種)，其實口感不俗。但亮點係冬蔭醬汁，微微香辣，配落煙豬腩，開胃好味艾迪乳鴿 $98呢度嘅特別之處就係有唔少諗唔到嘅菜式
冬蔭西班牙煙豬腩沙律 $138
我地仲記得上次黎係食吞拿魚腩沙律，依然有深刻印象，因為真係好好食，今次我地試左另一款沙律。
其實做法都好相似，煙豬腩切成條狀，份量都幾多，輕輕燒過，食落唔油唔膩，好香口，因為煙過，唔可以叫做嫩腍，但一啲都唔老唔鞋。
沙律菜就普通貨色，但裡面仲有唔少芒果肉，好香甜，成個配搭好清新。當然唔少得有啲爆珠 (平時飲台式飲品會加嗰種)，其實口感不俗。
但亮點係冬蔭醬汁，微微香辣，配落煙豬腩，開胃好味
冬蔭西班牙煙豬腩沙律
$138
54 瀏覽
0 讚好
0 留言
艾迪乳鴿 $98
呢度嘅特別之處就係有唔少諗唔到嘅菜式，呢道以大廚名字為名嘅乳鴿都幾出色，乳鴿醃製過，入口嫩腍而且入味。
艾迪乳鴿
$98
52 瀏覽
0 讚好
0 留言
松露煮法國原粒蘑菇 $118
呢款煮磨菇係上次都有點過，因為覺得味道好唔錯，所以今次都有再食的。
識我都知我鐘意食菇，原粒磨菇唔會煮到腍bat bat，咬落菇仔非常juicy
松露味香，但唔會搶風頭，加上香草，配上幾片腸，鹹鹹香香，配合磨菇一齊食，味道一流。
松露煮法國原粒蘑菇
$118
55 瀏覽
0 讚好
0 留言
蟹肉白汁海鮮大會（鮮魚、鮑魚、帶子、鮮蝦、鮮蜆）$288
呢道海鮮大會雖然賣相唔係話十分之靚，但味道卻十分之好。一份有齊魚同幾款海鮮，啱哂貪心嘅我地
蟹肉白汁海鮮大會（鮮魚、鮑魚、帶子、鮮蝦、鮮蜆）$288
$288
53 瀏覽
0 讚好
0 留言
鮑魚一隻，入口嫩腍無比，因為面頭嘅蟹籽又多一重口感，好味
鮑魚
39 瀏覽
0 讚好
0 留言
主角鮮魚肉份量大方，已經起骨，方便我呢啲唔係太識吐骨嘅人。魚肉鮮嫩，混合醬汁食，配搭得宜，魚皮都煎到非常香脆，我地食唔停口
鮮魚
36 瀏覽
0 讚好
0 留言
鮮魚
35 瀏覽
0 讚好
0 留言
裡面仲有一粒帶子，好大粒，而且入口爽甜；蜆肉都幾大粒，漲卜卜，不過略鹹。
伴碟有大量蔬菜同芋泥，兩個人分享，大滿足！
蒜香牛肉扁意粉 $ 188
意粉唔會太腍太硬，份量適中。食落有少少汁，唔會好乾身，亦唔會過份creamy，因為用蒜頭煮成，所以食落都會鹹鹹地。牛肉煮得嫩腍
蒜香牛肉扁意粉
$188
31 瀏覽
0 讚好
0 留言
蒜香牛肉扁意粉
$188
32 瀏覽
0 讚好
0 留言
整體黎講，呢度嘅食物依然有水準，而且定價合理，以上已經食到非常飽，如果人多能夠再試多幾款食物更好，我地兩個都覺得好滿意，有機會仲想黎試試另一招牌慢煮牛肉眼呢！服務方面比起上次黎都有所改善~
餐牌：
蒜香牛肉扁意粉
$188
40 瀏覽
0 讚好
0 留言
張貼
