稻香超級漁港 (已結業)

好耐冇幫襯過稻香既邊爐!之前响青衣城嗰間試過,超好味,個豬骨湯底,d豬骨大大舊,又鮮甜又抵食!特價時段仲抵食tim!所以今次,都係揀番特價時段!7點零鐘打去旺角嗰間稻香問...嘩!已經叫我地好而家即刻去攞"行街籌"(唔係行街紙,哈哈)---即係攞完籌就可以去行下街街...9點至番去等位!(咁都好,唔駛企响度呆等)不過都誇張啦!!要提前個幾鐘去攞籌!(仲要40號籌tim!)因為掛住食好好味"芒果糯米糍" + 傾計傾到唔知時候既關係...結果遲咗少少至撲上去攞位,攪到要等咗差唔多半個鐘頭至有位!umn...唔知係咪一間間師傅既手勢...坦白講,旺角呢間既水準係爭咁少少...不過都可以接受既!最正既地方,係醬料任加!唔單止任加,仲好多款揀tim!有d酒樓既醬料要收8-10蚊碟架嘛!嘩!特價喎!仲唔响d醬料上"啄"你咩?!所以要讚一讚稻香有免費醬料囉!又唔會有辣椒唔辣既情況出現!至於配料,最正都係d菇!其次係蝦丸,真係好鮮味!d蚌全部都好新鮮好正,冇腥味!係個潮州魚旦唔得,食咗一粒之後,就成碟都冇郁過!個湯底咯喎,今次剩嗌沙嗲湯底,嘩...又係好濃好正好夠沙嗲!又絕對唔係1比99既貨色!而飲品