影片
更多
2010-12-05
9 瀏覽
今日屋企賭馬到下午三點多都唔願食飯 , 四點我外出去搵食 , 前日聽到朋友【小貴子】話近日成日幫襯 , 但話味道較鹹叫我諗清楚先 , 因為我本身食野比較淡口。去到凈返一張枱冇客坐 , 坐低即叫【牛腩米$20 + 凍奶茶$6=$26】, 期間我聽馬贏左五佰蚊 , 幾旺我喎間鋪座向風水 ... 哈! 先講【牛腩米】, 牛腩同我多年前幫襯一樣 , 燜得都係唔夠腍 , 而且牛腩切唔離刀 , 有幾舊黐埋一齊好難分開 , 清湯牛腩真係過份清 , 冇乜味道唔係我杯茶。米粉係自家浸【東莞米粉】, 似家庭 feel 幾爽口 , 亦似【彪記】o既米粉 , 但牛腩同【彪記】冇得比。湯底我覺得唔掂 , 太簡單冇特別唔惹味 , 冇一種鮮甜味道 , 但絕對冇好似朋友【小貴子】講好鹹 , 而且我覺得淡添!!!【辣椒油】唔香又唔夠辣 , 【豉油】有少少酸醋味 , 可能【豉油 & 醋】個瓷器樽係一樣 , 而且又唔透明表面又冇標記 , 可能佢地都周不時入錯樽 , 所以味道有兩溝感覺 , 呢樣要特別注意。辣椒油唔夠香及辣 , 又係令人缺少左一種過癮 , 好多時真係為辣椒油 , 而覺得碗麵特別好食。【凍奶茶】都係一般 ,
去到凈返一張枱冇客坐 , 坐低即叫【牛腩米$20 + 凍奶茶$6=$26】, 期間我聽馬贏左五佰蚊 , 幾旺我喎間鋪座向風水 ... 哈!
先講【牛腩米】, 牛腩同我多年前幫襯一樣 , 燜得都係唔夠腍 , 而且牛腩切唔離刀 , 有幾舊黐埋一齊好難分開 , 清湯牛腩真係過份清 , 冇乜味道唔係我杯茶。米粉係自家浸【東莞米粉】, 似家庭 feel 幾爽口 , 亦似【彪記】o既米粉 , 但牛腩同【彪記】冇得比。湯底我覺得唔掂 , 太簡單冇特別唔惹味 , 冇一種鮮甜味道 , 但絕對冇好似朋友【小貴子】講好鹹 , 而且我覺得淡添!!!
【辣椒油】唔香又唔夠辣 , 【豉油】有少少酸醋味 , 可能【豉油 & 醋】個瓷器樽係一樣 , 而且又唔透明表面又冇標記 , 可能佢地都周不時入錯樽 , 所以味道有兩溝感覺 , 呢樣要特別注意。辣椒油唔夠香及辣 , 又係令人缺少左一種過癮 , 好多時真係為辣椒油 , 而覺得碗麵特別好食。
【凍奶茶】都係一般 , 10分滿分我只能夠俾6.5分 , 好在紅茶唔澀 , 但奶都係唔夠多 , 但都可以飲得下。
現場堂食地方都 ok 好坐 , 有電視機睇冇咁悶 , 今午係賽馬日 , 有樣唔好就係電視播賽馬 , 現場好多老人家圍住門口 , 不停吶喊叫住自己心目中馬名及號數 , 對唔賽馬o既食客其實都有滋擾 , 我雖然都賭馬 , 但我寧願唔睇馬 , 都唔想食緊野俾班賭徒 , 系鋪外面圍住我不停大叫吶喊 , 好唔自在丫嘛!
現場衛生都唔錯幾乾淨 , 筷子肉眼睇好似唔乾淨 , 其實係筷子表面有嚡嚡地質地 , 但摸落去係好乾淨好乾爽。
埋單事頭婆收錢 , 佢有講『多謝』, 而且態度非常親切熱誠 , 呢樣令我特別加多好多分數 , 今次呢餐如果總數10分滿分 , 食物我都係俾 6.5 分 , 服務及態度加多2.分 , 即係總數共 8.5 分 , 下次都會再幫襯 , 再試下其他食品 , 例如其他食家介紹o既咖喱 , 真係好想試下。
張貼