影片
更多
2023-05-30
992 瀏覽
放假出左銅鑼灣行街, 差唔多到晚飯時間想搵間可以傾計同輕鬆食既餐廳坐, 發現我食開佐敦嘅串燒店係依邊新開左分店, 門口擺放左餐牌供參考除左多款串燒之外, 都有主食同甜品等, 邊睇有咩想食邊寫係落單紙, 因為店員話係即叫即燒, 都要10-20分鐘左右, 所以一次過叫哂想食既野先先黎飲品青檸話梅梳打同鮮檸檬梳打飲啖開胃下先燒日本廣島蠔食親串燒都會必點廣島蠔, 燒蠔既面鋪滿蒜蓉, 蔥花同蟹籽, 咬一口爆汁, 好Juicy, 蠔味相當濃郁, 燒得啱啱好, 都算幾大隻, 唔會縮哂水咁, 調味配埋一齊咁食超正!燒一口脆腐乳店員推介依個一口脆腐乳, 原來係豆卜釀左腐乳醬, 豆卜外皮燒得好脆口, 不斷咀嚼個時有陣陣腐乳滲返出黎, 諗住以為會好咸, 估唔到又唔會喎, 香口又惹味麻辣鮑魚撈烏冬估唔到依個主食咁有誠意, 一碗有三隻鮑魚同兩粒冬菇, 拌勻嗰陣已經聞到陣陣麻辣香, 係日本手打烏冬, 食落好煙刃, 麻辣味好突出, 唔會太過辣, 有愈食愈香既感覺, 鮑魚爽刃得黎帶糖心口感, 冬菇大粒得黎味道夠香燒雞腎燒得剛好, 唔會過份乾身, 食落都有爽脆口感, 調味淡左少少, 我另外再加左少少孜然粉個味道就啱啱好
除左多款串燒之外, 都有主食同甜品等, 邊睇有咩想食邊寫係落單紙, 因為店員話係即叫即燒, 都要10-20分鐘左右, 所以一次過叫哂想食既野先
先黎飲品青檸話梅梳打同鮮檸檬梳打飲啖開胃下先
燒日本廣島蠔
食親串燒都會必點廣島蠔, 燒蠔既面鋪滿蒜蓉, 蔥花同蟹籽, 咬一口爆汁, 好Juicy, 蠔味相當濃郁, 燒得啱啱好, 都算幾大隻, 唔會縮哂水咁, 調味配埋一齊咁食超正!
燒一口脆腐乳
店員推介依個一口脆腐乳, 原來係豆卜釀左腐乳醬, 豆卜外皮燒得好脆口, 不斷咀嚼個時有陣陣腐乳滲返出黎, 諗住以為會好咸, 估唔到又唔會喎, 香口又惹味
麻辣鮑魚撈烏冬
估唔到依個主食咁有誠意, 一碗有三隻鮑魚同兩粒冬菇, 拌勻嗰陣已經聞到陣陣麻辣香, 係日本手打烏冬, 食落好煙刃, 麻辣味好突出, 唔會太過辣, 有愈食愈香既感覺, 鮑魚爽刃得黎帶糖心口感, 冬菇大粒得黎味道夠香
燒雞腎
燒得剛好, 唔會過份乾身, 食落都有爽脆口感, 調味淡左少少, 我另外再加左少少孜然粉個味道就啱啱好, 如果厚度再厚多少少會更好
燒秘製雞中翼
外皮燒得帶啲微脆, 食落仲有少少肉汁, 不過不失
川香肉碎燒茄子
食串燒點可以唔叫燒茄子, 依度既燒茄子同一般外面串燒店食到既唔一樣, 依度既係已經切好哂起左茄子肉, 唔洗好似平時食咁夾個時先黎拉絲咁食, 同埋依度個川香調味真心好好食, 再連埋豬肉碎粒同蔥花一齊食, 好正, 必點啊!
燒手打免治雞肉棒
雞肉棒食落唔會乾身, 再加上有脆軟骨口感, 再點蛋汁一齊食增添左蛋香味, 味道多個層次, 好食!
燒韮菜
燒得夠哂香, 入口軟刃爽三種口感, 調味啱啱好, 味道唔會過份咸, 正呢
整體而言, 居酒屋格局都算幾舒服, 好啱一邊食一邊傾計, 店員又會推介我地邊款食身係必試, 服務好好喔, 同埋價錢以依區黎講算係便宜, 唔會太貴, 值得Encore!
張貼
