影片
港鐵銅鑼灣站 C 出口, 步行約5分鐘
繼續閱讀
電話號碼
36188278
開飯介紹
佐敦起家的人氣串燒店，以四川風味為主，另亦提供日式口味；其中川香肉碎茄子以十多款四川香料製成的川醬作調味，佐酒必點！
繼續閱讀
營業時間
今日營業
16:00 - 01:30
星期一至五
12:00 - 01:30
星期六至日
16:00 - 01:30
以上資料只供參考, 請與餐廳確認詳情
有關獎賞計劃
優惠
呢日放工約友人啤啤佢，所以就嚟咗呢間又有火鍋，又有串燒，仲要有酒嘅居酒屋🍻 同友人叫咗優惠價嘅一人一鍋、買一送一嘅啤酒同少少佐酒小食😎人氣日本壽喜燒鍋呢一個鍋入面已經有齊娃娃菜、金菇、油揚、京蔥、豆腐、冬菇、雞蛋、牛肉同埋一款粉麵，我哋就揀咗魔芋粉絲，貪佢零卡路里☺️ 呢個壽喜燒湯底甜甜地同牛肉好夾🐮 台灣麻辣鴨血豚肉鍋呢個鍋嘅配料有啲唔一樣，入面有娃娃菜、金菇、油揚、京蔥、豆腐、靈芝菇、豚肉同埋鴨血。鴨血好嫩滑，搞到我想追加添呀🙈 粉麵方面，我地呢個揀咗稻庭手打烏冬，食落口煙煙韌韌，幾有口感。勁鍾意佢個湯底，帶少少辣味，好過癮🤩火鍋配料我地仲額外追加咗幾款火鍋配料。♦️安格斯牛肉100g都有好多片，肉質偏瘦，但都唔會好韌🥩♦️虎蝦一份有兩隻足足9吋嘅大蝦，蝦肉彈牙☺️♦️雞髀肉淥完都非常嫩滑，份量都幾多🍗♦️蔬菜拼盤入面有娃娃菜、金菇、冬菇同埋京蔥🥬打邊爐都可以更健康。山葵燒鰻魚呢個新品幾特別，有兩件蒲燒鰻魚加兩片香脆紫菜😗 我哋將鰻魚放咗入紫菜入面，再加少少Wasabi喺面，個味道有少少似食緊鰻魚手卷，不過係一款冇澱粉質冇咁多負擔嘅手卷。日本燒雞胸軟骨串由雞胸軟骨同埋嫩滑雞肉，間住間住咁串起🍢 所以佢嘅造型比起坊間嘅串燒更加美觀，食落口就有多重嘅口感。日本雞皮串鍾意食雞皮嘅朋友唔可以錯過，因為真係燒得好香口🥰 雞皮燒得好乾身，食落口冇咁重油膩感。炸麻辣雞軟骨呢款係非常出色嘅佐酒小食，雞軟骨嘅外層唔算好厚嘅炸粉，炸粉用上少少麻辣粉調味，所以食落口，非常惹味🌶️炸日本河蝦呢個河蝦係可以連殼食埋嘅小蝦仔🦐 酥炸過之後都非常香口，真係用嚟送酒一流。生啤而家餐廳做緊生啤或者highball買一送一優惠，星期一至日全個晚市時段都係佢嘅happy hour嚟㗎🥳 我哋揀咗Hoegaarden Draft Beer同埋Suntory Premium Draft Beer，兩款都好啱配串燒啊。除咗happy hour買一送一優惠，餐廳仲推出咗每人消費滿$180，可以加$98享用任飲放題2.5小時🤩 真係好抵呀，可以同朋友嚟呢度盡興一下🍺
繼續閱讀
灣仔銅鑼灣都有火鍋配飲酒放題!?位於鵝頸橋附近串燒火鍋店，推出超抵食火鍋任飲優惠，約埋朋友食住飲番晚就岩晒!!🫕🍻- 任飲放題2.5小時優惠 HK$98/位 🍻(需每人消費滿HK$180)可選生啤、Highball及紅白酒。岩晒打住邊爐飲到夠!!- 清酒買大送細優惠 🍶除杯裝酒外，指定清酒買720ml送300ml，買1.8L送720ml。非常抵飲!!- 人氣日本壽喜燒鍋 HK$128 🥩(優惠價)香甜咸香壽喜燒湯底配上滿滿牛肉，味道濃郁送酒一流!!仲會送上蛋黃，沾牛肉更嫩滑香濃!!- 台灣麻辣鴨血豚肉鍋 HK$128 🐷(優惠價)台式風味麻辣湯底辣度剛好，豚肉及鴨血吸滿香辣精華超惹味，愛辣之人必叫!!火鍋配料都相當吸引，除左必叫牛肉之外，海鮮都絕對要試!!每款都非常新鮮食得出鮮味，沙白更新鮮到夾手非常誇張!!👍🏻- 安格斯牛肉 HK$68 🥩打邊爐必備牛肉，肉香濃郁，爽!!- 7吋虎蝦 HK$38 🦐🦐肉質彈牙又鮮美，性格比超高!!- 白鱔 HK$78 🐋脂香油潤，冬天食一流!!- 沙白蜆 HK$48 超活潑新鮮，肉質飽滿又鮮甜!!- 鴨血 HK$28 🦆滿滿水嫩彈性，配辣湯底吸辣一流!!- 稻庭手打烏冬 🍜隨餐附送，幼滑又彈牙!!- 刀削面 🍜麵亦有更多選擇。- 日本蘋果雪葩 HK$68 🍎🍧打開蘋果竟然裝滿清甜涼快雪葩!!清甜蘋果香氣入口即融非常解膩!!- 日本桃雪葩 HK$68 🍑🍧桃味雪葩同樣裝誰完整日本桃中，香甜冰涼充滿香桃芬芳，超幸福!!
繼續閱讀
呢間位於灣仔嘅居酒屋，嘢食質素都唔錯👍🏻，我哋食到好滿足！.🐄壽喜燒牛肉鍋($98)超滿足呀，壽喜燒牛肉嘅肉質超級正，配埋甜香湯底好幸福。.🔥燒娃娃菜($28)火候啱啱好，夠香口，啱晒一齊share。.🍳燒鵪鶉蛋($22)燒完之後，好突出到鵪鶉蛋嘅香味！.🐮野椒汁燒牛小排($158)有小泡本身好夠油脂感，肉味可濃，配埋野椒汁味道更加豐富。.🍄🟫燒金菇肥牛卷($36)唔少得要嗌呢道經典嘅美食，肥牛配埋金菇，口感豐富。.👅香蒜蔥油薄切牛脷($38)算加埋蔥油嘅味道夠晒香，配埋牛舌好正。.🐣鹽燒雞中翼($26)雞中翼調味啱啱好，食落熱辣辣又Juicy。.🐷燒豬頸肉($38)豬頸肉油脂感爆棚，超邪惡、好滿足。.🫦汁燒穀飼一口牛($38)醬汁嘅味道甜香，好夾牛肉嘅香味。.🐔燒大蔥雞柳($28)大蔥嘅甘甜味同埋香辛，好夾雞柳。.🥩燒山葵牛橫膈肌肉($36)橫格肌肉呢個部位好特別，配埋山葵好有驚喜。.🪿鵝肝煎雙蛋飯($118)鵝肝本身嘅香味超邪惡，仲有埋雙蛋，好癲！.🧀炸芝士年糕($36)芝士味道濃郁，配埋煙韌嘅年糕，好滿足。.🌶️麻辣鴨血($38)夠晒麻、夠晒香，辣味配埋鴨血好正。.🫧荔枝梳打酒($58)荔枝梳打味道果香清爽，變成果酒好好飲。.🍋檸檬茶酒($48)超有特色，而且檸檬茶嘅味道減輕咗一啲酒精感，易入口。
繼續閱讀
鍾意食串燒，又鍾鍾意同朋友飲2杯吹吓水，居酒屋當然就係不二之選，最鍾意加入港式口味的串燒，款式口味夠地道 所以同朋友好鍾意嚟呢間川燒，有日式串燒，亦加入四川口味的串燒，啱哂鍾意多款式及口味的香港人，除咗串燒外，仲有不同的熟食，正，啱晒我！ 🌟燒蘇格蘭蟶子皇/燒大海蝦 燒海鮮，真係幾時都咁啱食！我地就叫咗蟶子皇同燒大蝦，超正！蟶子皇超大隻，加埋蒜蓉一齊燒無得輸，而且火喉剛剛，鮮嫩又夠多汁！ 燒大蝦好新鮮彈牙，食得出的鮮味！🌟燒金菇肥牛卷金菇肥牛卷濃郁惹味，金菇吸收晒肥牛的肉汁，再加埋個惹味燒汁，好好味。🌟鹽燒雞中翼/日本燒大蔥雞柳食串燒又點可以唔點燒雞翼呢?! 雞翼燒得香脆，肉還是嫩滑，而且夠入味，送酒一流! 🍻雞柳燒得好嫩滑，配埋大蔥，好夾好好味🌟燒豚肉生菜卷/燒芝士翠玉瓜 食串燒當然也要來點蔬菜，大推燒豚肉生菜卷，豚肉燒得好香，但生菜依然保持爽脆，而生菜吸受咗豚肉汁又好好味，推介！ 至於芝士翠玉瓜當然係絕配，翠玉瓜燒熟後仲好juicy，再加埋芝士加持，無得輸 👍🏻🌟野椒汁燒牛小排(半份) 牛小排燒得剛剛好，配上惹味野椒汁，軟嫩又滿滿肉汁😋🌟鵝肝煎雙蛋飯 呢個朋友話必點，鵝肝好creamy，加埋2隻半生熟蛋，蛋汁加濃郁鵝肝，每一啖飯都好好味🤤🍦甜品: 燒雪糕窩夫(士多啤梨) 呢度D甜品好特別，所以叫咗呢個燒雪糕窩，有幾隻味可以選擇，我地就揀咗士多啤梨，微微燒過的窩夫，一啖有2種溫度，冰火交融，好有特色！🍻飲品: 青檸梳打酒/ 荔枝梳打酒 飲品大大杯，配串燒食啱晒！
繼續閱讀
情人節無特別book位，諗住求其搵間餐廳食, 開門見到有人出黎咪問下walk in 有無位囉，接待果位應該係老闆，但佢好似唔係好願意接（雖然最終都叫我地坐低）。落咗單，好快黎咗兩杯野飲，第一碟串燒大概係15分鐘後先到，從此就無再上過任何食物（其間我見到廚房出咗幾個賣，每袋10盒8盒）。與此同時，全間店嘅8成客人都係無野食咁濟，枱枱喺度追，d waiter又好似唔熟手咁樣，又好混亂不斷黎錯野食，單又唔識check淨係攞住碟野行黎行去，講真俾你搵到岩果枱都凍哂啦。見到有2-3枱客走去追，一個員工就唔耐煩，一個就傻傻下，有客直頭走埋去鬧老闆，不過唔好意思，都係無用，所以我追黎都無謂。等咗半個鐘都係無野食，我忍唔住問，原來係一樣野都無燒到，ok止蝕離場。好心啦，情人節+星期五，全店滿座就咪鬼接外賣，仲有啲operation亂到咁，真係無下次。
繼續閱讀