生記粥麵 (已結業)

行過，先醒起太座從未來過，似乎點講都講唔過去...叫碗魚腩粥俾太座，自己則獨食及第...魚腩依然新鮮，瑤柱粥底依然無出其右，足料又夠綿滑，最厲害嘅係食到碗底都仲咁綿。只有灣仔景叔嘅粥底先可以同佢相提並論...各款豬內臟用嘅亦係鮮貨，最出色莫過於豬粉腸，一點苦味及異味都冇，冇得彈...食完粥後再encore多碗蘿蔔牛腩麵。麵淥得太淰，鹼味倒是不重；腩係清湯style，帶點肥膏，啱晒我，算做得頗淰，但味道就冇華姐嘅好；湯底偏鹹，不對小弟個人口味；本來對蘿蔔有D期望，但食落只覺大而無當，不夠甜只餘亦有少許渣...以後再嚟，決定只專攻粥一味，已足夠...