BuBu燒麻辣燙

營業中

休息中

想加餸，決定試下附近呢間小店。最出名係bubu麻辣燙。我就叫左水魷、牛柏葉、萵荀、蘿蔔、鵪鶉蛋，煮得幾入味，而且可以少辣，保留到風味！特別喜歡水魷、牛柏葉，夠爽口，食得過癮🤓串燒都有不少款式，價錢都係$10-20元一串。有幾款值得推介:貢丸入面有不少冬菇;雞中翼個調味好香，少少似土匪雞翼;羊肉都有蘇味;原條茄子加左勁多蒜蓉，好正！飲品方面冬瓜檸蜜應該係自家製，又酸又甜，可以解下辣。烏龍茶可以解膩。當然有啤酒🍻提供，咁先夠痛快🥳所有食物都即時製作，人手有限下，所以等候時間會長，可以電話落單，先再去自取，就唔洗企係到等！