Marco's buffet (已結業)

媽咪睇報紙見到呢間酒店buffet抵食又有龍蝦送，重點係我屋企附近，就約我去食，用左報紙優惠只係二百蚊左右一人，呢個價錢食到酒店buffet可以話係超值~一入門口就係甜品區，款式都唔少，三款招牌芝士蛋糕，味道唔錯，水晶和果子外皮煙un，入面夾住豆沙唔會好甜，仲有涼粉同生果消暑一流~冷盤預先分好一份份，整齊乾淨~煙鴨胸同火腿~diy沙律區，當中有款麻辣雲耳好好味，雲耳爽脆，配埋酸酸麻麻既汁料，好開胃~二款多士同部份既熱食鵝肝多士夠咸香，最搶手~汽水機食buffet見到有汽水任飲即刻心心眼，對於日日要飲汽水既我真係夠哂驚喜~仲可以拎旁邊用黎沖檸茶檸水既檸檬自製檸樂檸七現場有外藉廚師即製pancake同芝士意粉，意粉水準高，好夠芝士，濃濃的，必食~磨菇忌廉湯都係必食之選，菇味濃，好cremy~ pizza料唔多，勝在個加左香草去搓既餅底，味道好香，脆卜卜~椒鹽豬手，芥蘭都好味~送既龍蝦~呢間奶黃月餅唔知好唔好味呢？