燈籠滷味 T.P.E. (M88) (已結業)

疫情下，食外賣的次數多了，今日就揀燈籠滷味做午餐。到達後，看個餐牌便在收銀處落單，然後再喺外賣堂食區取外賣。<招牌滷味：牛筋肉、大腸、甜不辣、炸豆腐、西蘭花>牛筋肉味道濃郁，大腸唔會太鹹夠味，甜不辣口感煙煙韌韌，豆腐鹹鹹地。以上滷味可以選擇王子麵/招牌烏龍面/冬粉，我就揀了王子麵，王子麵好似公仔麵口感，爽口。<台灣紅燒牛筋肉便當>便當份量相當大，每一格都裝滿食材，蘿蔔爽甜，滷肉飯吃後唔會覺得肥膩，米飯爽身，牛筋肉大大片入味，翻開牛筋肉會見到粉絲和粟米。<眷村懷舊排骨便當>排骨軟腍，粉絲甜甜地，有少許辣，雞蛋都頗滑。每個餐跟一杯冬瓜茶，亦可選擇其他飲品。