i kitchen (已結業)

今餐都係諗住輕輕鬆鬆食餐便飯，而今次令我想寫下食評。我哋好鍾意食腸所以就嗌咗呢個🌟扒德國腸拼盤🌟😂😂有齊四種腸，巴雷特豬肉腸，維也納腸，芝士雞肉腸，蘇寶力腸，分量都好大㗎。 而每款唔同腸細心食會發現佢地既口味，咸淡，口感等都有唔同，而我個人既最愛係巴雷特豬肉腸，口感比較實在，而豬肉既香味都好出，正！想濕下口可以試下🌟米蘭海鮮湯🌟。大大隻蝦喺碗湯上已經好吸引。飲落口每一啖都係鮮味，暖暖窩心。🌟西班牙海鮮➕辣肉腸➕雞肉燉飯🌟鍾意食海鮮一定要嗌呢個因為啲海鮮勁大舊，有蠔有帶子有蝦。飯都軟綿綿好易入口，加埋辣辣地嘅肉腸同埋嫩滑嘅雞肉，感覺好溫暖。🌟澳洲榖飼牛肉眼配松露燒汁🌟鍾意食牛扒就梗係要試呢個啦。想讚下個松露燒汁，因為出面通常都係普通燒汁，好少話有松露嘅。呢個真係好香口，配搭影軟軟牛扒就一流。