漁吉海鮮丼專門店 (已搬遷) 新店位置

九龍城不嬲出名泰國菜，但最近阿梁打聽到有一間日本餐廳好出色，丼飯用料好足，所以決定慰勞一下阿張❤帶佢去試一試💏以下內容可能會令大家有lam mon嘅衝動，敬請留意！阿張點餐👦🏻$238 蟹三味丼🦀(期間限定)評分（10分滿分）：8⃣食評💬：又到咗食蟹嘅季節～對於鍾情於蟹嘅阿張黎講，呢個蟹三味丼真係好出色🤤有香箱蟹肉、松葉蟹肉同埋三隻蟹腳，一次過滿足晒我三個願望😍再落少少青檸汁調下個味，每啖都大滿足！另外，食丼飯除咗飲熱茶外，漁吉仲有第二個選擇俾你，就係免費享用熱辣辣嘅味噌湯😍無限添飲！阿梁點餐🧒🏻1）$208 海膽三文魚籽丼評分（10分滿分）：9️⃣食評💬：丼入面有海膽、三文魚籽、蟹籽同埋原隻生雞蛋黃🥚本身生雞蛋黃吉穿左佢用嚟撈飯就已經好正，再加埋一粒粒三文魚籽，咬落去爆曬啲汁出嚟🤭，係鮮味吖🥰！個口有種漿住嘅感覺，再加多舊鮮甜海膽一齊啪落口😇，我同阿張形容呢種為「上咗天堂嘅感覺」！2）$48 漁吉蒸蛋評分（10分滿分）：7️⃣食評💬：一個咁細嘅杯入面有海膽、三文魚籽、松葉蟹肉、雞肉、冬菇、銀杏同埋鳴門卷咁多種料真係唔講得笑🤗！蛋方面都係嫩滑，味道就同平時嗰啲差唔多，正正常常，不過就勝在熱辣辣～