皇之家好食料理 (已結業)

今日第一次黎食 我叫左十幾件壽司 加一個胡麻冷麵 而我男友叫左個豚肉炒雜菜配飯首先黎左十幾件壽司 包括有三文魚 鰻魚 中華沙津 芝麻八爪魚 螺肉 而啲都係特價咖壽司 不過如果個職員唔話我知 我都唔知原來有特價咖壽司 全部特價壽司都係4元一件佢啲壽司唔算大件 但啲紫菜出到黎都仲好脆 唔似某些壽司店 而我個個胡麻冷麵 一黎到個賣相就好吸引 而且入面有好多配料 又好大個 都係44元 所以好低食 仲會送飲品 係一杯細咖菊花茶而我男友個個就冇咩特別 但都係好多料 而且仲會送麵豉湯 不過真係好咸 太重手啦 而啲職員好好服務 同好有禮貌