影片
更多
2020-07-13
1280 瀏覽
此店大名鼎鼎，網上部分食評話店員脾氣臭、服務衰，可能我去嗰日佢哋中咗六合彩，所以心情極佳，服務妥貼，配合溫柔國語，以為去咗台灣。首先，喺酷熱、暴曬下等位，店員送上一杯接一杯冰水，入口順滑無水喉鐵銹味，仲要俾埋把遮你擋太陽、同你報告大約等幾耐，係幾貼心。
星期六大約2點後等15分鐘左右就入座，嗌咗外省牛肋肉麵、雞排蔥油拌麵、炸花枝丸同起司加肉鬆蛋餅，飲品叫咗金鑽鳳梨綠茶。
碗麵一夾起兩條食──－嘩！不得了，這就是台灣的味道～！湯底牛味濃、帶新鮮肉味、微辣帶花椒香、後段有少少蔬菜嘅清甜，食得出香辣底料用心調配，唔係一堆辣粉、辣醬倒入去攪勻就算。麵條軟硬適中，以為世界好完美，估唔到衰喺舊牛肉度。牛肉韌到飛起，你有信心牙齒好實淨先好食，如果唔係牙都甩。我勉強食咗兩小塊放棄咗。
雞排蔥油拌麵無得輸，鹽酥雞排唔油、好香脆，好容易一口接一口KO。拌麵蔴油、醋、醬油等醬料加埋好夾，好開胃，不過一上枱就要攪好個麵，如果唔係個麵成餅嘢好難搞。炸花枝丸同起司加肉鬆蛋餅味道貼近台灣當地食到嘅味道，前者又係唔會成口油，好熱，粒丸又彈牙，蛋餅唔會好滯，蛋皮軟熟，夾埋適當份量嘅起芝士同肉鬆，好吃。金鑽鳳
首先，喺酷熱、暴曬下等位，店員送上一杯接一杯冰水，入口順滑無水喉鐵銹味，仲要俾埋把遮你擋太陽、同你報告大約等幾耐，係幾貼心。 星期六大約2點後等15分鐘左右就入座，嗌咗外省牛肋肉麵、雞排蔥油拌麵、炸花枝丸同起司加肉鬆蛋餅，飲品叫咗金鑽鳳梨綠茶。
金鑽鳳梨綠茶
$20
40 瀏覽
1 讚好
0 留言
碗麵一夾起兩條食──－嘩！不得了，這就是台灣的味道～！湯底牛味濃、帶新鮮肉味、微辣帶花椒香、後段有少少蔬菜嘅清甜，食得出香辣底料用心調配，唔係一堆辣粉、辣醬倒入去攪勻就算。麵條軟硬適中，以為世界好完美，估唔到衰喺舊牛肉度。
外省牛肉麵（牛肋肉）
61 瀏覽
0 讚好
0 留言
牛肉韌到飛起，你有信心牙齒好實淨先好食，如果唔係牙都甩。我勉強食咗兩小塊放棄咗。
雞排蔥油拌麵無得輸，鹽酥雞排唔油、好香脆，好容易一口接一口KO。拌麵蔴油、醋、醬油等醬料加埋好夾，好開胃，不過一上枱就要攪好個麵，如果唔係個麵成餅嘢好難搞。
雞排蔥油拌麵
53 瀏覽
0 讚好
0 留言
炸花枝丸同起司加肉鬆蛋餅味道貼近台灣當地食到嘅味道，前者又係唔會成口油，好熱，粒丸又彈牙，蛋餅唔會好滯，蛋皮軟熟，夾埋適當份量嘅起芝士同肉鬆，好吃。
炸花枝丸
40 瀏覽
0 讚好
0 留言
金鑽鳳梨綠茶唔會太甜，少少酸，幾清新，配合重口味少少嘅食物就啱晒。
張貼
