花木日本料理 (已結業)

母親節唔知去到邊度慶祝，上網搵黎搵去，見到有間日本菜好吸引，又有和牛火鍋，咁啱媽咪鍾意食日本菜就帶佢嚟花木喇呢度個環境好舒服，都好適合情侶或者帶埋爸爸媽媽出嚟食飯。前菜方面係芥末八爪魚，辣辣地都幾開胃。最估唔到嘅事刺身竟然會有龍蝦刺身，龍蝦刺身肉質彈牙都鮮甜，另外仲有蝦同埋幾種魚，頭盤方面個生蠔我都幾推介鮮甜得來唔會死咸。壽司方面我哋叫咗三款，有我最鍾意食嘅左口魚，面層微微燒過，有啲煙熏味更加正。都重頭戲和牛火鍋，唔好睇佢得個幾片，但係真係好好食回味無窮，佢嘅油脂分布平均，放落口簡直係滿足