影片
更多
2016-12-02
432 瀏覽
豬拼盤 모듬 돼지고기 $248話說蘋果乾我已經正式失業，無業遊民無咩多，咪就係時間多咗，所以上星期四真係好屎忽痕約咗朋友入天水圍！作為一個香港人，好啦，我認我係失敗嘅，成世人今次係第一次入天水圍，都唔知點解佢叫悲情城市⋯😞由於無業遊民嘅時間好彈性，所以約人無論係我遲定對方遲都唔緊要，因為時間多的是😅入到天水圍都2點幾，太肚餓啦，頂唔順，搵間餐廳食野先！烤肉時代環境都算寬敞，裝修到好似真係去咗韓國燒肉店，唔止，個圓筒形座位可以打開放手袋是基本啦😆，店內貼滿韓國海報（標語同電影海報，啲海報望落好似啲19xx年啲中國內/外戰宣傳海報🤐，好復古/韓國feel)，我去時得一個店員係香港人，其他全部都係韓國人，你話啦，係咪有種去咗首爾燒肉店嘅錯覺😂事不宜遲，點野食，由於我唔食牛而海鮮拼盤又唔太啱心水，最終咪又係揀咗豬拼盤🐷🐽。豬拼盤：黑毛豬頸肉，美國五花腩肉，醬醃豬梅頭肉，同豬大腸！豬肉送上時好似唔多大碟？嗯，少年，你太年輕了！夠唔夠飽真係見人見智，但我同朋友2條女食，真係夠飽！因為你唔止食燒肉一味餸嫁嘛。除咗豬大腸我唔評論啦，因為我唔食，其他三種肉類整體都唔錯！黑毛豬頸肉：juicy就無啦，但
話說蘋果乾我已經正式失業，無業遊民無咩多，咪就係時間多咗，所以上星期四真係好屎忽痕約咗朋友入天水圍！作為一個香港人，好啦，我認我係失敗嘅，成世人今次係第一次入天水圍，都唔知點解佢叫悲情城市⋯😞
由於無業遊民嘅時間好彈性，所以約人無論係我遲定對方遲都唔緊要，因為時間多的是😅入到天水圍都2點幾，太肚餓啦，頂唔順，搵間餐廳食野先！
烤肉時代環境都算寬敞，裝修到好似真係去咗韓國燒肉店，唔止，個圓筒形座位可以打開放手袋是基本啦😆，店內貼滿韓國海報（標語同電影海報，啲海報望落好似啲19xx年啲中國內/外戰宣傳海報🤐，好復古/韓國feel)，我去時得一個店員係香港人，其他全部都係韓國人，你話啦，係咪有種去咗首爾燒肉店嘅錯覺😂
事不宜遲，點野食，由於我唔食牛而海鮮拼盤又唔太啱心水，最終咪又係揀咗豬拼盤🐷🐽。豬拼盤：黑毛豬頸肉，美國五花腩肉，醬醃豬梅頭肉，同豬大腸！豬肉送上時好似唔多大碟？嗯，少年，你太年輕了！夠唔夠飽真係見人見智，但我同朋友2條女食，真係夠飽！因為你唔止食燒肉一味餸嫁嘛。
除咗豬大腸我唔評論啦，因為我唔食，其他三種肉類整體都唔錯！黑毛豬頸肉：juicy就無啦，但食落彈口，燒耐啲都唔會覺得「鞋」身，淡就淡啲，但你可以配搭多款醬汁一齊食，即刻加咗分；美國五花腩肉：五花腩肉哦，無得輸，依個腩肉肥瘦分佈都算均勻，唔會食肥肉（油）多過食瘦肉：醬醃豬梅頭肉：最好味依個！個見「黑蚊蚊」嫁？原來係醬醃咗，食落彈口之餘又多汁，啲醬汁好入味，食落帶啲啲甜味（依個唔駛點醬就咁食都ok👍🏻)
店家好好，因為蘋果乾我鍾意包生菜包食，而香港好多食肆係要另外收費，有啲好好，第一碟係免費嘅，而烤肉時代係無限量供應😆中晒我口味💘但大家又唔好叫黎狂食或者當燒烤咁燒😅人地唔係咁玩法啦😂😂（溫馨提示，有時候需求多，當晚可能夜少少生菜就會缺貨啦⋯⋯）
✨✨通常燒肉個盤旁邊係擺蛋，粟米或其他例如：泡菜，我就覺得烤肉時代好貼心，其中一架唔擺野，用黎把燒好咗嘅燒肉。其實大多數人都係燒得快，食得慢，唯免燒肉有燒焦嘅情況發生，店員會將燒好嘅肉排排企，好得意😂唔會燒焦之餘又可以保溫，想幾時食都得啦😆
豬拼盤
$248
101 瀏覽
0 讚好
0 留言
張貼
