影片
更多
2021-12-21
1209 瀏覽
屋企人好耐之前試過呢間覺得唔錯，我哋都未試過葡國菜就來試試，點知覺得伏伏哋🥲🍽食物：我哋嗌左個四人套餐，小食主菜甜品全部都有4人精選套餐$1280👉🏻啤梨番石榴沙律 6/10沙律菜係用黑醋調味，啤梨同番石榴都係酸酸甜甜咁，食完好開胃，沙律菜都算新鮮，但成個餸好單調冇乜特別，感覺就似自助餐自己攞沙律咁，每一樣材料都好獨立👉🏻葡式特色4人拼盤 6/10拼盤有馬介休球、葡萄牙臘腸、酥炸四季豆、酥炸魷魚同巴西炸大蝦，我之前未食過馬介休球，佢係好似魚肉同薯仔搓成一粒粒波拎去炸，其實佢嘅炸物全部都炸得好脆而且唔會好油膩，但係有啲重口味，葡萄牙臘腸更加係勁鹹，食完好口渴😅👉🏻海鹽燒沙甸魚4條 5/10食之前落啲檸檬汁可以辟腥同埋解膩，沙甸魚連皮燒，仲有啲魚鱗係上面😅味道都係好鹹，其實魚骨好幼可以食埋，但係都要食得小心啲費事啃親。隔離有啲菜可以中和返啲鹹味👉🏻砵酒炆牛尾配蒜蓉包 7/10有6至7舊牛尾，配菜有紅蘿蔔，全部都炆到好淋好入味，食落冇乜酒味但係有啲似蕃茄醬味😂同埋食多一兩舊就覺得有啲膩。蒜蓉包焗到好脆，蘸汁一齊食好夾👉🏻1/4葡式乳豬配肥仔炒飯 6/10葡式乳豬可以話係呢到嘅招牌菜，呢到1/
🍽食物：
我哋嗌左個四人套餐，小食主菜甜品全部都有
4人精選套餐$1280
👉🏻啤梨番石榴沙律 6/10
沙律菜係用黑醋調味，啤梨同番石榴都係酸酸甜甜咁，食完好開胃，沙律菜都算新鮮，但成個餸好單調冇乜特別，感覺就似自助餐自己攞沙律咁，每一樣材料都好獨立
👉🏻葡式特色4人拼盤 6/10
拼盤有馬介休球、葡萄牙臘腸、酥炸四季豆、酥炸魷魚同巴西炸大蝦，我之前未食過馬介休球，佢係好似魚肉同薯仔搓成一粒粒波拎去炸，其實佢嘅炸物全部都炸得好脆而且唔會好油膩，但係有啲重口味，葡萄牙臘腸更加係勁鹹，食完好口渴😅
👉🏻海鹽燒沙甸魚4條 5/10
食之前落啲檸檬汁可以辟腥同埋解膩，沙甸魚連皮燒，仲有啲魚鱗係上面😅味道都係好鹹，其實魚骨好幼可以食埋，但係都要食得小心啲費事啃親。隔離有啲菜可以中和返啲鹹味
👉🏻砵酒炆牛尾配蒜蓉包 7/10
有6至7舊牛尾，配菜有紅蘿蔔，全部都炆到好淋好入味，食落冇乜酒味但係有啲似蕃茄醬味😂同埋食多一兩舊就覺得有啲膩。蒜蓉包焗到好脆，蘸汁一齊食好夾
👉🏻1/4葡式乳豬配肥仔炒飯 6/10
葡式乳豬可以話係呢到嘅招牌菜，呢到1/4分成4大舊，個皮燒到金黃色但唔係中式乳豬咁脆口，同埋冇乜脂肪，有啲似燒肉嘅口感😂同埋又係好鹹，食完瘋狂飲水。肥仔炒飯有啲似西炒飯🤣都係用蕃茄醬炒，但係炒飯太濕，唔係我中意嘅口感
👉🏻馬介休炒椰菜 6/10
椰菜入面有啲一粒粒嘅魚肉，本身以為炒椰菜會清爽啲， 可能因為馬介休，又係一道幾鹹嘅送🥲
👉🏻甜品拼盤 7/10
夢幻自家制雪糕真係好夢幻，有乾冰噴煙都幾岩打卡😂香橙蛋糕質感好實，唔係戚風蛋糕咁鬆軟，食完會好飽。鮮果奶涷都有啲奶味但唔重，反而雲尼拿味更突出。特色cheese cake 味道正常，冇乜特別
👍🏻葡國生果白酒 white sangria $220 8/10
加左生果嘅白酒甜甜哋，酒味都唔係好重，好易飲完一杯又一杯😂同埋啲送太鹹，唔嗌野飲真係搞唔掂
⛩環境
👍🏻四人枱好闊落，嗌左咁多送都放得落
👍🏻環境光猛，同埋餐廳好大好多位，枱同枱之間嘅距離都唔會太近
💁🏼♀️服務
👍🏻員工有禮貌同埋會主動加水，上菜之前都會介紹菜名
📝總評 5/10
環境同服務唔錯，之前未食過葡國菜，唔識分正唔正宗，但係呢到就普遍都好鹹，我食唔慣太重口味嘅餸菜🥲唔係好岩食，所以試一次就夠了
👛人均消費 $420 (連收加一服務費)
⏱冇限時
張貼
