影片
更多
2019-05-28
198 瀏覽
唔知係我要求高咗，定期望太大，之前嚟食每次都好好食，呢排有排無嚟，好似無之前咁高質，都好食嘅，但就無之前我心中食泰菜 No 1 首選嘅感覺了。今次啲嘢顯然比之前食失色咗，不過今次又真係叫咗啲同以往唔同嘅嘢食。個椰青沙冰好飲嘅，食到有椰肉嘅，但冰份量有啲多，有時飲飲吓會畀冰cover 咗個椰青味。冬陰公係配合返香港人口味，香料無咁重，同埋唔辣，嗚，有啲失望，想飲返辣嗰個version, 雖然呢個係好飲，但正宗會再好飲10倍。牛油雞翼係令人失望嘅dishes 之一，啲蒜粒腍哂唔脆，食落痴牙，雞翼又係整得唔夠脆，味道ok, 但質感有啲令人失望。海南雞係失望位 2, 比起之前，今次隻雞無咁好食，有啲乾，唔夠肥美，太瘦，又唔夠油，仲有啲血，半份嚟講份量都有啲少。再失望啲係，叫嗰陣有叫埋油飯，但上雞嘅時候先話無哂油飯，嗚，無油飯送嘅海南雞，又點食到海南雞飯嘅滋味呢，但上咗就廢事咁核突叫人拎走啦。個蝦醬炒飯係唯一一樣驚喜嘅菜，好重蝦醬味，但又唔會過鹹，啲料撈埋一齊，口感/味道都變得複雜同好食咗，最正係佢個臘腸味都岀得啱啱好，唔會搶哂蝦醬嘅味，加埋個肉鬆都係新鮮嘅肉鬆，唔會話口感好硬，撈匀哂個飯又啱啱
今次啲嘢顯然比之前食失色咗，不過今次又真係叫咗啲同以往唔同嘅嘢食。個椰青沙冰好飲嘅，食到有椰肉嘅，但冰份量有啲多，有時飲飲吓會畀冰cover 咗個椰青味。
冬陰公係配合返香港人口味，香料無咁重，同埋唔辣，嗚，有啲失望，想飲返辣嗰個version, 雖然呢個係好飲，但正宗會再好飲10倍。
牛油雞翼係令人失望嘅dishes 之一，啲蒜粒腍哂唔脆，食落痴牙，雞翼又係整得唔夠脆，味道ok, 但質感有啲令人失望。
海南雞係失望位 2, 比起之前，今次隻雞無咁好食，有啲乾，唔夠肥美，太瘦，又唔夠油，仲有啲血，半份嚟講份量都有啲少。再失望啲係，叫嗰陣有叫埋油飯，但上雞嘅時候先話無哂油飯，嗚，無油飯送嘅海南雞，又點食到海南雞飯嘅滋味呢，但上咗就廢事咁核突叫人拎走啦。
個蝦醬炒飯係唯一一樣驚喜嘅菜，好重蝦醬味，但又唔會過鹹，啲料撈埋一齊，口感/味道都變得複雜同好食咗，最正係佢個臘腸味都岀得啱啱好，唔會搶哂蝦醬嘅味，加埋個肉鬆都係新鮮嘅肉鬆，唔會話口感好硬，撈匀哂個飯又啱啱好，呢個飯高質。
張貼
