甜一刻

營業中

休息中

約Friend食完個飯就梗係要直落食埋個甜品，滿足埋身為女仔既第二個胃，同埋分享啲沒完沒了既八婆野架啦。正餐要黃，甜品都一樣要黃💛，走左去深水埗福榮街依間甜一刻，舖頭咩甜品都有，有傳統嘅中式糖水，薑水湯圓，又有啲細路仔野，香蕉船，綿綿冰咁，佢個招牌係心太軟，但因為同朋友都麻麻朱古力，所以我就叫左個木瓜燉雪耳，朋友就叫左個法式焦糖燉蛋配雪糕。本身以為係普通野，點知送到黎真係好驚喜，佢畫左幅畫出黎啊！！！（不會忘記！）跟住再睇埋人地隔離枱個啲，原來幅幅畫都唔同架，會唔會太勁啊！野食有質素，心地又善良，唔係唔幫襯啊💛