影片
更多
2013-11-04
152 瀏覽
之前收到廣告公司邀請佢o地o係3-8-2013(Sat)攪o既試食活動,但我真係比較抗拒呢啲早有準備o既大型試食會,所以冇參加到.到上月中,廣告公司再次邀請試食,但今次係畀$250.00o既coupon,o係指定日期內享用,唔使同一大班食家一齊試食,而同樣係多就冇得找,少就要補.但雖然以呢個形式攪,廣告公司仍要求我o係book位時講明試食,而到間舖入座時,要即刻交出coupon,咁咪即係又係預先被佢o地知道,咁其實有咩分別?=.=”不過算啦,之前都o係灣仔o既金牌小龍試過,咁再試多次啦,而今次會o係味道分減0.5分.而上網睇過,佢啲菜色絕對唔平,$250.00可以試到幾多樣?咁就只同男友o黎試.我o地book o左前日(2-11-2013 Sat)晚o黎食,我o地o黎到時係晚飯開始o既時間,唔多人,只有4枱客.我俾o左張coupon後就同男友研究食咩o野,點o左:1. $32.00o既蘋果酒由於我o地有點甜蜜脆脆燒棉花糖夾餅,而男友見牆上介紹,食呢個配呢隻酒係好夾,所以叫埋.呢隻酒充滿蘋果味,極易入口,男友話比Jolly Sandy好飲好多,梗係啦,成$32.00o架,不過睇吓來源地,
但雖然以呢個形式攪,廣告公司仍要求我o係book位時講明試食,而到間舖入座時,要即刻交出coupon,咁咪即係又係預先被佢o地知道,咁其實有咩分別?=.=”不過算啦,之前都o係灣仔o既金牌小龍試過,咁再試多次啦,而今次會o係味道分減0.5分.而上網睇過,佢啲菜色絕對唔平,$250.00可以試到幾多樣?咁就只同男友o黎試.
我o地book o左前日(2-11-2013 Sat)晚o黎食,我o地o黎到時係晚飯開始o既時間,唔多人,只有4枱客.我俾o左張coupon後就同男友研究食咩o野,點o左:
1. $32.00o既蘋果酒
由於我o地有點甜蜜脆脆燒棉花糖夾餅,而男友見牆上介紹,食呢個配呢隻酒係好夾,所以叫埋.呢隻酒充滿蘋果味,極易入口,男友話比Jolly Sandy好飲好多,梗係啦,成$32.00o架,不過睇吓來源地,係星加坡, 使唔使咁貴?不過最後因為放暖o左,所以佢始終都有啲味.
2. $13.00o既甜蜜脆脆燒棉花糖夾餅
竟然係第二樣到o黎,我一心諗住當甜品食o架嘛,可能因為支酒已經o黎o左啦.呢個其中一塊梳打餅燒得有啲燶,我o地食喇,棉花糖裡面有朱古力o既,燒過o既梳打餅更加脆,混合o左本應好甜o既夾心棉花糖,令成個味道o岩o岩好,唔會好甜.有腦.
味道: 4.4分
3. $16.00o既燒韭菜
份量都幾多,同男友分一半後,發現我o個半有一撮係燶o左,
男友o個半就完全冇.呢個啲汁o既味道整得幾好,可惜被o個幾燶o既掃o左啲興.
味道: 3分
4. $15.00o既沙茶醬燒雞髀菇
雞髀菇大小不一,燒得唔乾幾好,鹹度適中亦冇問題.
味道: 3分
5. $19.00兩隻o既秘醬燒雞中翼
Size唔大,原來反轉睇係更加燶,但食落,幾好味喎,我食到唔記得咩o既咩同有蜜糖味,呢個係唔差,不過下次唔好燒咁燶,影響賣相. 味道: 4.5分
6. $34.00o既皇牌燒牛舌
未食都已經嗅到孜然粉味,佢o既厚度有1cm左右,呢個口感唔錯亦好惹味. 味道: 4.5分
7. $29.00四隻o既蒜蓉燒紐西蘭青口
呢個正常冇乜問題.味道: 2.5分
8. $76.00四隻o既必食芝士蒜蓉燒生蠔
其實呢個係我剔錯o左,男友係想試朱古力燒生蠔o既.但既然係我錯,就照要啦.賣相唔錯,趁熱食先,食到o既係蒜蓉味居多,芝士唔多夠,蒜蓉太鹹,做唔到平衡,有啲失敗.
味道: 1.5分
9. $36.00o既秘製蒜蓉撈紅薯粉
份量果然少,紅薯粉好啲過腍,而味道又係太鹹.味道: 1分
10. 後加o既$28.00兩串o既燒惹味鴨舌
都燒到黑黑的,鴨舌又細細件,食落,同樣有落孜然粉,呢個係惹味但亦一樣係偏鹹,送酒一流.味道: 4.3分
11. $52.00三隻o既安安首創朱古力燒生蠔
呢個只有一個食家o係舊年食過,男友就好勇咁試.呢個等o左好耐至到,睇睇,朱古力漿稀稀地,食吓啲汁先,朱古力唔係甜o既,亦夾o左蠔味o係裡面,食蠔喇,o係黑朱古力o既襯托下,就覺得蠔味更鮮,男友大讚店主聰明,應申請專利.如果朱古力再苦啲會更好.我就覺得已經可以喇. 估唔到我o地當呢個係甜品o黎結束呢餐飯. 味道: 4.5分
食完後覺得呢間最o大既優點係冇味精,我o地全程只有o個支蘋果酒兩份飲,但食埋咁多鹹o野都唔口渴,抵讚.
不過我原本想後加o既果醬牛丸同$24.00o既凍食日本檸味甜薯都冇.
價錢:
同呢個食評
http://www.openrice.com/restaurant/commentdetail.htm?commentid=2320227&tc=sr2&con=rvw對比,一年以o黎,佢o地加o左價,秘醬燒雞中翼由$28.00三隻變成$19.00兩隻,由$8.00一隻加到$9.50一隻,燒韭菜由$14.00到$16.00.
環境:
枱與枱之間o既空間有啲不足,不過抽氣都唔算差,或者因為我o地被安排坐o係電視o個邊,遠離廚房o掛.
服務:
落完單,好快就同我o地講紅薯粉要等耐啲,啊冇問題吖.
好密密收碟(張張枱都一樣),不過攪笑o既係,佢o地會不斷將食物,飲品重覆畀客人(我o地隔離張枱),我o地就重覆o左甜蜜脆脆燒棉花糖夾餅,如果遇著唔老實o既客人,可能會照食扮唔知.(雖然我覺得價錢唔平,但都唔係咁樣送俾客人嘛. )
既然佢o地o既服務唔會因為係咪試食而唔同,所以我唔扣分,而實際係有4.3分
張貼
