水門雞飯 (汀角路) (已結業)

終於有機會去試最近係大埔堀起嘅水門雞飯。店舖位於出晒名嘅三刹位，之前除左佳寶守得比較耐之外，冇間店捱到三年，希望呢間可以打破宿命。雞飯50元，唔算貴，雞肉份量都唔少。係香港食雞要有雞味，幾乎不可能，呢間亦不例外，還好係肉質唔算太鞋，我已經收貨。比較特別係個湯，一般海南雞飯個湯味道會比較清，呢個看樣都好清。但一飲就滿口胡椒味，唔知以為飲緊胡椒豬肚湯，似乎係胡椒粉落得過多。😅個醬比較普通，唔太特別，又唔差啦。由於係假日關係，雞飯冇得加錢跟餐飲。正價叫飲品太貴就冇加。但飲左男朋友杯芒果沙冰幾啖，有味，好重甜味……但就偏水感，冰感反而不重…有改善空間。