南小館Plus (已結業)

一行人嚟呢度食午餐，見到價錢唔算平，不過無所謂啦照入去。點知一入到去六個人居然畀張四人枱我哋， 咁當然係要求換枱啦，不過個侍應就堅持一張枱可以坐三個人，最後換就係換咗但係黑咗吓面。其實嘢食係好食既，醉雞夠滑，炒年糕夠重味，生煎包又多汁，撈麵味道有層次。但係分量就細得可憐，可以用誇張嚟形容，自己睇相判斷啦。總括嚟講，味道就值得去嘅，但係若果你係介意性價比嘅話，我會勸你再三考慮一下 反正希慎咁多嘢食，食餐飯食得飽都好重要嘅。