影片
更多
2019-07-28
256 瀏覽
香港各大商場可以行嘅都已經行暈哂咁滯，同男朋友開始轉戰D工廈反而搵到唔少驚喜，又平靚正嘅野，係駱駝漆我地就買左唔少日本特色產品~哈哈! 行到咁上下，我地都攰攰地，於是就去左觀塘另一幢工廈度覓食。我地去左之前小儀介紹過嘅文青Café度食野，呢間Favillcafe位於開源道嘅開聯工菜中心6樓，如果唔係之前聽過介紹，應該未必識搵上門。餐廳嘅裝潢非常日式，木紋嘅牆身、Menu、提示牌；藍色磚牆；簡約的餐桌佈置；白色柔和燈光之下，呢度俾到一種舒適放鬆嘅感覺我地，係個可以安心坐一個下午放鬆嘅好地方。我地叫左個慢煮封門牛柳定食($108)、和式全日早餐($128)、酸種包($12)，每人再分別叫左杯澳式鮮奶咖啡($38)同埋濃縮瑪奇朵咖啡($35)。慢煮封門牛柳定食，擺盤十分靚，好鐘意佢地嘅碟白色碟身，有藍色花瓣咁嘅紋理。定食有個海台野菌大蔥湯，味道清淡天然嘅味道；封門牛柳本身牛味好濃郁，慢煮令佢肉質保持嫩滑口感爽而不鞋，再有少少嘅醬汁，配上口感軟綿有咬口嘅珍珠米，上面有少少飯素。咁多野樣Mix埋一齊食非常好食，亦都好好送飯。跟餐有個蕃薯蓉沙律，店家係沙律入面加左少少沙律醬、亞麻籽、松子仁等，薯蓉
我地去左之前小儀介紹過嘅文青Café度食野，呢間Favillcafe位於開源道嘅開聯工菜中心6樓，如果唔係之前聽過介紹，應該未必識搵上門。
餐廳嘅裝潢非常日式，木紋嘅牆身、Menu、提示牌；藍色磚牆；簡約的餐桌佈置；白色柔和燈光之下，呢度俾到一種舒適放鬆嘅感覺我地，係個可以安心坐一個下午放鬆嘅好地方。
我地叫左個慢煮封門牛柳定食($108)、和式全日早餐($128)、酸種包($12)，每人再分別叫左杯澳式鮮奶咖啡($38)同埋濃縮瑪奇朵咖啡($35)。
慢煮封門牛柳定食，擺盤十分靚，好鐘意佢地嘅碟白色碟身，有藍色花瓣咁嘅紋理。定食有個海台野菌大蔥湯，味道清淡天然嘅味道；封門牛柳本身牛味好濃郁，慢煮令佢肉質保持嫩滑口感爽而不鞋，再有少少嘅醬汁，配上口感軟綿有咬口嘅珍珠米，上面有少少飯素。咁多野樣Mix埋一齊食非常好食，亦都好好送飯。跟餐有個蕃薯蓉沙律，店家係沙律入面加左少少沙律醬、亞麻籽、松子仁等，薯蓉沙律涼浸浸得黎，味道帶微甜酸甜酸，十分開胃。
和式全日早餐都有幾多野食下，有蒲燒鰻魚、味噌炒蛋、香腸、沙律同埋牛油吐司。鰻魚應該係自己燒，唔會太重醬油味，魚肉夠厚夠肥美，入面滑溜魚香味重！炒蛋用左日本蛋，蛋味夠香夠滑，味道確實唔錯。
男朋友見度有個酸種包，好奇叫左份黎試下，口感好有趣，有種酸酸地嘅味道，包質煙煙Un Un。
呢度嘅咖啡係由咖啡調配師準備嘅，非常有心！澳式鮮奶咖啡，奶味比一般街飲到嘅濃好多，而咖啡口感帶少少苦，入口幾順滑。
濃縮瑪奇朵咖啡，咖啡味非常出色，味道係先有苦味，過一陣即回甘，味道係口腔入面逗留好耐，鐘意飲咖啡嘅人不妨一試！
呢度D野So far都幾健康同食落唔似有味精，環境都舒服，下次可以再黎一試。
張貼
